សៀមរាប៖ ការប្រឡងសញ្ញាបត្រមធ្យមសិក្សាទុតិយភូឆ្នាំ២០២៤ ខេត្តសៀមរាបទទួលបាននិទ្ទេសAសរុបចំនួន ២២១នាក់ ក្នុងនោះក្រុងរុនតាឯកតេជោសែន មានសិស្សានុសិស្សទទួលបានលទ្ធផលនិទ្ទេស A ជាលើកដំបូងចំនួន ០៦នាក់ ស្រី ០១នាក់។ សិស្សនិន្ទេសAទាំង៦នាក់នេះ មានសិស្សប្រុស៥នាក់មកពីវិទ្យាល័យស្រីវិបុលកេរ្តិ៍ និងសិស្សស្រី០១នាក់ទៀតមកពីវិទ្យាល័យរុកតាឯក។
បើតាមរបាយការណ៍ ក្រុងរុនតាឯកតេជោសែន មានសិស្សានុសិស្សចូលរួមប្រឡង ២៤៧នាក់ ស្រី ១៣៥នាក់ ទទួលបានលទ្ធផលនិទ្ទេស A ចំនួន ០៦នាក់ ស្រី ០១នាក់, និទ្ទេស B ចំនួន ១៦នាក់ ស្រី ០៩នាក់, និទ្ទេស C ចំនួន ៤៣នាក់ ស្រី ៣១នាក់, និទ្ទេស D ចំនួន ៧៧នាក់ ស្រី ៥៤នាក់, និទ្ទេស E ចំនួន ៦៨នាក់ ស្រី ២៧នាក់, និង និទ្ទេស F ចំនួន ៣៤នាក់ ស្រី ១១នាក់។
នាសម័យប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០២៣-២០២៤ កាលពីថ្ងៃទី៨ ខែតុលា ឆ្នាំ២០២៤ មានសិស្សបានប្រឡងសរុប ២៤៧នាក់ ស្រី ១៣៥នាក់ សិស្សានុសិស្សបានប្រឡងជាប់សរុប ២១៣នាក់ ស្រី១២២នាក់៕
