ភ្នំពេញ៖ ក្រសួងអប់រំ យុវជន និងកីឡា នៅថ្ងៃទី១៧ តុលា ២០២៤នេះ បានឱ្យដឹងថា កំពូលតារាចម្រៀងល្បីៗរបស់ប្រទេសកម្ពុជា នឹងចូលរួមក្នុងពិធីបើកការប្រកួតកីឡាជាតិ លើកទី៤ និងកីឡាជាតិជនពិការ លើកទី២ ឆ្នាំ២០២៤។ ពិធីនេះនឹងចាប់ផ្ដើមនាថ្ងៃទី៣០ ខែតុលា ឆ្នាំ២០២៤ ខាងមុខនេះ ក្នុងពហុកីឡដ្ឋានជាតិ (អូឡាំពិក) ចាប់ពីម៉ោង ៥:00 ល្ងាចតទៅ។
សូមជម្រាបថា ពិធីបើកការប្រកួត«កីឡាជាតិ»លើកទី៤និង«កីឡាជាតិជនពិការ» លើកទី២ ឆ្នាំ២០២៤មានការរៀបចំឡើងដោយក្រសួងអប់រំ យុវជន និងកីឡា។ កម្មវិធីនេះនឹងចាប់ផ្ដើមនាថ្ងៃទី៣០ ខែតុលា ឆ្នាំ២០២៤ ក្នុងពហុកីឡដ្ឋានជាតិ ហើយសាធារណជនអាចចូលរួមបានដោយឥតគិតថ្លៃ៕
