កំពត៖ ការងារការដំឡើង«នាឡិកាធំ»ដែលមានកម្ពស់ខ្ពស់ជាងគេនៅកម្ពុជា ក្នុងទីរួមខេត្តកំពត នៅថ្ងៃទី ២៩ សីហានេះ រួចរាល់ជាផ្លូវការហើយ និង ត្រៀមអបអរសាទរសមិទ្ធផលថ្មីរបស់ខេត្តកំពត។ការដំឡើង«នាឡិកាធំ»នេះ មានទីតាំងមាត់ព្រែក ក្នុងភូមិតាអង្គ សង្កាត់ត្រើយកោះ ក្រុងកំពត ក្បែររូបសំណាក«សេះសមុទ្រ»បាញ់ទឹកដែលកំពុងទទួលបានការចាប់អារម្មណ៍ពីមហាជន។
«នាឡិកាធំ» នៅក្នុងខេត្តកំពតនេះ មានកម្ពស់៣៥ ម៉ែត្រ និង មានទំហំមុខកាត់អង្កត់ផ្ចិតជិត១០ម៉ែត្រ ហើយតាមរចនាបទតាមបែបបុរាណខ្មែរ។គិតមកដល់ថ្ងៃទី ២៩ សីហានេះ ការងារការដំឡើង«នាឡិកាធំ»នេះ បានរួចរាល់ស្ទើរទាំងស្រុងហើយ និង ត្រៀមអបអរសាទរទទួលស្វាគមន៍ពីភ្ញៀវទេសចរជាតិ និង អន្តរជាតិពេលធ្វើដំណើរទៅកម្សាន្តសប្បាយនៅខេត្តកំពត។
នាឡិកាធំ និង ខ្ពស់ជាងគេនេះ គឺជាសមិទ្ធផលថ្មីមួយបន្ថែមទៀត បន្ទាប់ពីរូបសំណាក«សេះសមុទ្រ»បាញ់ ដែលមានកម្ពស់ ៨ ម៉ែត្រអមជាមួយការពង្រីក សួនកម្សាន្ត កន្លែងហាត់ប្រាណ កន្លែងមើលថ្ងៃលិច។ប្រជាពលរដ្ឋ និង ជនបរទេសរស់នៅខេត្តកំពត បានបង្ហាញចំណាប់អារម្មណ៍របស់ខ្លួនថា ពួគគាត់ពិតជាសប្បាយចិត្តដែលបានឃើញនាឡិកានេះ ហើយមិនយូរទៀតទេស ភ្ញៀវទេសចរមកពីគ្រប់ទិសទី នឹងធ្វើដំណើរទស្សនាខេត្តកំពត ព្រោះចង់ឃើញនាឡិកាយក្សនេះ។
គួរបញ្ជាក់ថា រដ្ឋបាលខេត្តកំពត នៅថ្ងៃទី ២២ សីហានេះ បានរៀបចំពិធីក្រុងពាលីដំឡើង«នាឡិកាធំ និង ខ្ពស់»ជាងរបស់កម្ពុជា នៅទីតាំងមាត់ព្រែក ក្នុងភូមិតាអង្គ សង្កាត់ត្រើយកោះ ក្រុងកំពត។ពិធីក្រុងពាលីនេះ ធ្វើឡើងក្រោយពេលការស្ថាបនាគ្រិះរបស់នាឡិករួចរាល់ និង ស្របពេលដែលសម្ភារៈប្រណិតៗ ដែលបានបញ្ជាទិញពីបរទេស ត្រូវបានដឹកជញ្ជូនមកដល់ទីតាំង ដើម្បីដំំឡើង។
_1.jpg?1777864565)
