ភ្នំពេញ៖ ក្នុងឆមាសទី១ឆ្នាំ២០២៤នេះ បណ្ណដែលបានលក់ឱ្យទេសចរបរទេសចូលទស្សនាតំបន់រមណីយដ្ឋានអង្គរសរុប ៥២១ ៩៥០ សន្លឹក កើនឡើង ៣៥,៣% និងចំណូលសរុប ២៤ ៣៥៧ ៦៩៥ ដុល្លាអាមេរិកគត់ កើនឡើង ៣៦,២%។ នេះបើតាមរបាយការណ៍របស់ក្រសួងទេសចរណ៍ដែលផ្តល់មកកាន់ស៊ីស៊ីថាមស៍ដោយ លោក តុប សុភ័ក្រ អ្នកនាំពាក្យក្រសួងទេសចរណ៍ មកកាន់ស៊ីស៊ីថាមស៍។
បើតាមរបាយការណ៍ ឆមាសទី១ ឆ្នាំ២០២៤នេះ កម្ពុជាទទួលបានភ្ញៀវទេសចរអន្តរជាតិចំនួន ៣,១៦ លាននាក់ កើនឡើង ២២,៧% ធៀបរយៈពេលដូចគ្នាឆ្នាំ២០២៣ ស្មើនឹង ៩៤,៩% នៃឆ្នាំ២០១៩ និងទេសចរជាតិ : ៩,៦៩ លាននាក់ កើនឡើង ៦,៤%។
ទីផ្សារទេសចរណ៍សំខាន់ទាំង១០របស់កម្ពុជាក្នុងរយៈពេល៦ខែនេះមានដូចជា៖ ថៃ ៩៥៥,២៥០ នាក់, វៀតណាម ៦៣៩,៥៤៩ នាក់, ចិន ៣៨៩,៣៦០ នាក់, ឡាវ ១៨៨,៧២៦ នាក់, សហរដ្ឋអាម៉េរិក ១១២,០៤៣ នាក់, កូរ៉េខាងត្បូង ១០១,៤៣៥ នាក់, ឥណ្ឌូណេស៊ី ៨១,៤៩០ នាក់, បារាំង ៦៥,៩៧៩ នាក់, អង់គ្លេស ៦១,៧៨៣ នាក់, និងជប៉ុន ៥៤,៨៤៩ នាក់៕
