![](https://cdn.cc-times.com/kh.cc-times.com/media/51160/large/452926220_804690408519113_7426879555896582949_n_(1).jpg?1721984967)
កូនអណ្តើកហ្លួងដែលជាសត្វកម្របំផុតមួយប្រភេទ បានញាស់កូនមួយសំបុកដែលមានចំនួនប្រមាណ ១០ក្បាល បន្ថែម។ នេះបើយោងតាមការឱ្យដឹងពីមជ្ឈមណ្ឌលអង្គរសម្រាប់ការអភិរក្សជីវៈចម្រុះ (ACCB)។
![](https://cdn.cc-times.com/kh.cc-times.com/media/51161/large/452562299_804690488519105_1622509597761826477_n.jpg?1721984977)
មជ្ឈមណ្ឌលអង្គរសម្រាប់ការអភិរក្សជីវៈចម្រុះ បានឱ្យដឹងនៅថ្ងៃទី២៣ ខែឧសភា ថាការញាស់កូនអណ្តើកហ្លួងទាំង ១០ក្បាលនេះ នឹងដើរតួដ៏សំខាន់ក្នុងការរក្សាភាពចម្រុះនូវសេនេទិច (ហ្សែន) និងជួយឱ្យមានកំណើនឡើងវិញនៃប្រជាសាស្ត្រនៅទីជម្រកដើមរបស់សត្វល្មូនកម្រជិតផុតពូជនេះ។
![](https://cdn.cc-times.com/kh.cc-times.com/media/51162/large/452926220_804690408519113_7426879555896582949_n_(1).jpg?1721984985)
គួរបញ្ជាក់ថា អណ្តើកសសៃដែលត្រូវបានគេស្គាល់ថាជាអណ្តើកហ្លួងហើយត្រូវបានគេចាត់ទុកថាជាសត្វល្មូនតំណាងជាតិរបស់ប្រទេសកម្ពុជា ដោយព្រះរាជក្រឹត្យបានចេញក្នុងឆ្នាំ២០០៥។ ប្រភេទអណ្តើកហ្លួងនេះ គេជឿថាត្រូវបានផុតពូជនៅក្នុងប្រទេសកម្ពុជា ប៉ុន្តែត្រូវបានរកឃើញឡើងវិញនៅក្នុងឆ្នាំ២០០០ ដោយការតាំងចិត្តរបស់ក្រុមអ្នកវិទ្យាសាស្ត្រមួយក្រុម។ សព្វថ្ងៃនេះ ពួកវានៅតែប្រឈមនូវការគំរាមកំហែងជាច្រើនដូចជាការបូមខ្សាច់ ការបាត់បង់ទីជម្រក នឹងទាក់ចាប់ដោយឧបករណ៍នេសាទ៕
![](https://cdn.cc-times.com/kh.cc-times.com/media/51163/large/452948756_804690481852439_2885659038837782638_n.jpg?1721984994)
![](https://cdn.cc-times.com/kh.cc-times.com/media/51164/large/452888012_804690421852445_4213696075347315684_n.jpg?1721984999)