ខេត្តពោធិ៍សាត់៖ ក្រសួងការពារជាតិ នៅរសៀលថ្ងៃទី១៣ ខែកក្កដា ឆ្នាំ២០២៤នេះ បានប្រកាសពីការបាត់ការទាក់ទងឧទ្ធម្ភាគចក្រមួយគ្រឿង ស្ថិតនៅក្នុងភូមិសាស្ត្រជួរភ្នំក្រវាញ ខេត្តពោធិ៍សាត់ និងកោះកុង។នេះបើយោងតាមសេចក្តីប្រកាសព័ត៌មានរបស់ក្រសួងការពារជាតិ។
យោងតាមសេចក្តីប្រកាស បានគូសបញ្ជាក់ថា ឧទ្ធម្ភាគចក្រមួយគ្រឿង ដែលបាត់ដាននេះ គឺជាការហាត់ហ្វឹកហ្វឺន ហើយឧបទ្ទវហេតុនេះ បានកើតឡើងដោយសារអាកាសធាតុ មិនអំណោយផល។
នៅពេលនេះ បណ្តាកងឯកភាពពាក់ព័ន្ធកំពុងធ្វើការរុករក ចាប់តាំងពីព្រឹកថ្ងៃទី១៣ ខែកក្កដា ឆ្នាំ២០២៤ ចំពោះលទ្ធផលមិនទាន់ប្រទះឬរកឃើញឧទ្ធម្ភាគចក្រនោះឡើយ ក្រុមការងារ និងបន្តរុករកយ៉ាងយកចិត្តទុកដាក់៕
