ភ្នំពេញ៖ ក្នុងរយៈពេលប្រាំខែដើមឆ្នាំ២០២៤ កម្ពុជាទទួលបានទេសចរសរុបប្រមាណជាង១១លាននាក់ ក្នុងនោះទេសចរអន្តរជាតិមានចំនួន ២,៦៤ លាននាក់ កើនឡើង ២២,១% ធៀបរយៈពេលដូចគ្នាឆ្នាំ២០២៣ ស្មើនឹង ៩១,៤% នៃឆ្នាំ២០១៩ និងទេសចរជាតិមានចំនួន ៨,៧៨ លាននាក់ កើនឡើង ៧,១%។ នេះបើតាមរបាយការណ៍ដែលសារព័ត៌មានស៊ីស៊ីថាមស៍ទទួលបានពីលោក តុប សុភ័ក្រ រដ្ឋលេខាធិការនៃក្រសួងទេសចរណ៍ នៅថ្ងៃទី២៥មិថុនា ឆ្នាំ២០២៤នេះ។
បើតាមរបាយការណ៍ តំបន់ទេសចរណ៍សំខាន់ៗដែលភ្ញៀវទេសចរទៅកម្សាន្តក្នុងរយៈពេល៥ខែនេះរួមមាន៖
ភ្នំពេញ: ទទួលបានភ្ញៀវជាតិចំនួន ១,៩៥១,៥២៣ នាក់ និង ភ្ញៀវបរទេសចំនួន ១,០៩០,៤៣៤ នាក់
សៀមរាប: ភ្ញៀវជាតិចំនួន ១,៣៥២,៤០០ នាក់ និង ភ្ញៀវបរទេស ៤៧២,២៥៨ នាក់
តំបន់ឆ្នេរ: ភ្ញៀវជាតិចំនួន ៤,៣៩៦,៤៣៣ នាក់ និង ភ្ញៀវបរទេស ២៤១,២៧៣នាក់
ព្រះសីហនុ: ភ្ញៀវជាតិចំនួន ២,៣៩៥,០៣៩ នាក់ និង ភ្ញៀវបរទេស ១៦៩,១៧៨ នាក់
តំបន់អេកូទេសចរណ៍: ភ្ញៀវជាតិចំនួន ៣០៣,៧៧៧ នាក់ និង ភ្ញៀវបរទេស ១៨,៧៩៨ នាក់
តំបន់ផ្សេងៗ: ភ្ញៀវជាតិចំនួន ៧៧៧,១២០ នាក់ និង ភ្ញៀវបរទេស ៨៤,០៥៧ នាក់
ទន្ទឹមនឹងនេះ ទេសចរជាតិដែលធ្វើដំណើរចេញក្រៅប្រទេសក្នុងរយៈពេល៥ខែឆ្នាំនេះមានសរុបចំនួន ៧៥ ម៉ឺននាក់ កើនឡើង ២,៩%។ នេះបើតាមរបាយការណ៍៕
