បន្ទាយមានជ័យ៖ មន្ត្រីសាខា ក.ប.ប. ខេត្តបន្ទាយមានជ័យ នៅថ្ងៃទី១៥ ខែមិថុនា ឆ្នាំ២០២៤ បានសហការជាមួយមន្ត្រីសាខាគយ និងរដ្ឋាករខេត្តបន្ទាយមានជ័យ ចុះបង្រ្កាបផលិតផលបង្កក មានខួរគោ ពោះវៀនជ្រូក ជើងមាន់ កោះមាន់ សរុបជាង១តោន ដែលពុំអនុលោមតាមបទប្បញ្ញត្តិ និងមានសារធាតុគីមីហាមឃាត់ (សារធាតុហ្វម៊ាន)។
បើតាមមន្ត្រីជំនាញ នៅថ្ងៃទី១៥ ខែមិថុនាបានធ្វើការត្រួតពិនិត្យផលិតផលបង្កកដែលដឹកតាមរថយន្តដឹកអ្នកដំណើរ នៅចំណុចសាលាក្រហមស្ថិតនៅភូមិសូរិយាថ្មី ឃុំកូប ស្រុកអូរជ្រៅ ខេត្តបន្ទាយមានជ័យ នៅពេលត្រួតពិនិត្យ មន្រ្តីជំនាញបានរកឃើញនូវផលិតផលបង្កកពុំអនុលោមតាមបទប្បញ្ញត្តិ និងមានសារធាតុគីមីហាមឃាត់។
ភ្លាមៗនោះ មន្រ្តីជំនាញក៏បានធ្វើការដកហូត និងដុតកម្ទេចចោលនូវផលិតផលទាំងនោះ រួមមាន:១-ជើងមាន់បង្កក ៨ កេស = ៥៦០ គ.ក ២-កោះមាន់បង្កក ៨ កេស=៦២៤ គ.ក ៣-ខួរគោបង្កក ១ កេស=៥៦ គ.ក ៤-ពោះវៀនជ្រូក ១ កេស=៧០ គ.ក៕
