ព្រៃវែង៖ មានការប្រទះឃើញគ្រាប់សេសសល់ពីសម័យសង្គ្រាមចំនួន ៦៥១០គ្រាប់ ដែលកប់ដីនៅបរិវេណអង្គភាពសាលាដំបូងខេត្តព្រៃវែង ក្នុងនោះមានគ្រាប់ Ak47 ចំនួន ៧៥០គ្រាប់ ប្រភេទគ្រាប់AR15 ចំនួន ១៦៦០គ្រាប់ និងប្រភេទគ្រាប់ RPKចំនួន ៤១០០គ្រាប់ នៅថ្ងៃទី ១៣ ខែមិថុនា ឆ្នាំ២០២៤។
ក្រោយមានការរាយការណ៍ពីមន្ត្រីសាលាដំបូងខេត្តព្រៃវែង កម្លាំងជំនាញ នៃស្នងការដ្ឋាននគរបាលខេត្តព្រៃវែង ដឹកនាំដោយលោក អ៉ិត ហាន ស្នងការរង នៃស្នងការដ្ឋាននគរបាលខេត្តព្រៃវែង សហការជាមួយមន្ត្រីបច្ចេកទេសនៃអង្គការកំម្ចាត់មីន Halo Trust កម្ពុជា បានចុះត្រួតពិនិត្យនិងសហការរុករកសំណល់ជាតិផ្ទុះដែលបានសេសសល់ពីសម័យសង្គ្រាមនៅទីតាំងនេះ។
បច្ចុប្បន្ន គ្រាប់ទាំងអស់ខាងលើត្រូវបានកម្លាំងនគរបាលជំនាញនាំយកទៅប្រគល់ជូនមន្ត្រីបច្ចេកទេសអង្គការកម្ចាត់មីន HaloTrust កម្ពុជា រួចរាល់៕
