កាលពីព្រឹកព្រលឹមថ្ងៃទី១១ ខែមិថុនា ឆ្នាំ២០២៤ ពិធីសុំទឹកភ្លៀង «ហែរអ្នកតាព្រីងក្អែក»ដែលជាទំនៀមទម្លាប់ប្រពៃណីសាសនាមានតកូនតចៅប្រចាំតំបន់ បានរៀបចំឡើងតាមទម្លាប់នៅភូមិបឹង សង្កាត់ពញាពន់ ខណ្ឌសែនសុខ ជាយរាជធានីភ្នំពេញ។ពិធីនេះ រៀបចំឡើងមិនដែលដាច់នោះឡើយ ដើម្បីបន់ស្រន់សុំទឹកភ្លៀងដើមរដូវវស្សា ពិសេស សុំពរសេចក្តីសុខចម្រើនដល់មនុស្សសត្វទាំងពួង។
ក្នុងពិធីនេះ បងប្អូនប្រជាពលរដ្ឋ មានការ ផាត់មុខមាត់ តុបតែងខ្លួនចម្លែកៗបែបជាមនុស្សព្រៃ សត្វ និង តួអង្គអមនុស្ស ជាព្រាយ ខ្មោច ឬម្រិញគង្វាល ព្រមទាំងក្រុមមនុស្សមានឈុតជាមេទ័ពកាន់ព្រះខ័នរាជ នាំមុខគេ បានចេញដង្ហែក្បួនតាមផ្លូវទៅកាន់តំបន់វាលស្រែនៃទីដីទួលអ្នកតាព្រីងក្អែក ឬ អ្នកតាកាហ៊េ ក្នុងភូមិសាស្រ្តភូមិបឹង។
.jpg?1729148376)
