ភ្នំពេញ៖ ប្រពៃណីត្បាញ គ្រុះ និង សៀន នៅភូមិកូនក្អែក ជួបញ្ហាប្រឈម ដោយបាត់បង់ទីផ្សារ ដោយសារតែបញ្ហាកូវីដ១៩។ នេះបើតាមមជ្ឈមណ្ឌលស្រាវជ្រាវវប្បធម៌ វិទ្យាសាស្ត្រ ថ្ងៃទី១៣ ខែកញ្ញា ឆ្នាំ២០២០។
បើតាមមជ្ឈមណ្ឌលស្រាវជ្រាវវប្បធម៌ វិទ្យាសាស្ត្រ បានឱ្យដឹងថា គ្រុះ និង សៀន គឺជាឧបករណ៍ត្បាញពីបន្ទោះឫស្សី លាបជ័រទឹកលាយជាមួយជ័រចុង ហើយអាចប្រើប្រាស់សម្រាប់ដងទឹក, ដាក់ទឹក ឬដាក់វត្ថុផ្សេងៗទៀត។
ទន្ទឹមនឹងនេះដែរ របរជាប្រពៃណីរបស់អ្នកស្រុកមួយនេះ កំពុងតែបាត់បង់ស្ទើរគ្រប់ទីកន្លែងដោយសារការប្តូរមកប្រើប្រាស់សម្ភារៈបែបទំនើបវិញ។
យ៉ាងណាមិញ ប្រជាជននៅភូមិកូនក្អែក ឃុំសំបូរ ស្រុកប្រាសាទសំបូរ ខេត្តកំពង់ធំ នៅសល់តែពីរគ្រួសារប៉ុណ្ណោះ ដែលនៅបន្តត្បាញគ្រុះ និង សៀន។
ពួកគាត់បានមានប្រសាសន៍ថា មូលហេតុដែលពួកគាត់ពីរគ្រួសារនេះនៅបន្តធ្វើ ដោយសារតែមានជនជាតិជប៉ុនជួយបញ្ជាទិញ និងមកយកដល់ផ្ទះតែម្តង ប៉ុន្តែចាប់តាំងពីផ្ទុះជំងឺ Covid19 មក ក៏លែងឃើញមកទិញទៀត។
លោកតា ជឹម ដែលជាអ្នកបន្តត្បាញរបរប្រពៃណី បានឱ្យដឹងថា គ្រុះនិងសៀនជាច្រើនដែលគាត់បានធ្វើរួចជាច្រើន តែគ្មានអ្នកទិញ ហើយសព្វថ្ងៃនេះ ការត្បាញថ្មីក៏ត្រូវផ្អាកសិនផងដែរ៕
