![](https://cdn.cc-times.com/kh.cc-times.com/media/46923/large/Screen_Shot_0006-04-11_at_10.31.23_AM.png?1712806296)
ភ្នំពេញ៖គម្រោងស្ថាបនាផ្លូវជាតិលេខ១០ លាតសន្ធឹងពី ខេត្តកោះកុង ពោធិ៍សាត់ ដល់ខេត្តបាត់ដំបង គិតមកដល់ថ្ងៃទី ១១ មេសានេះ សម្រេចការសាងសង់បានជាង៨០ភាគរយហើយ។ផ្លូវជាតិលេខ១០នេះ សាងសង់ស្របតាមបទដ្ឋានបច្ចេកទេសកម្រិត៣របស់ប្រទេសចិនដោយក្រុមហ៊ុនចិន (CRBC)។
លោក ផន រឹម អ្នកនាំពាក្យក្រសួងក្រសួងសាធារណការ និង ដឹកជញ្ជូន បានថ្លែងប្រាប់ ស៊ីស៊ីថាមស៍ ថា គម្រោងស្ថាបនាផ្លូវជាតិលេខ១០ តភ្ជាប់ពីខេត្តចំនួន៣ រួមមាន ខេត្តកោះកុង ពោធិ៍សាត់ និងខេត្តបាត់ដំបង ដែលមានប្រវែងសរុប ១៩៨,៥១៨ គីឡូម៉ែត្រ សម្រេចការសាងសង់បាន ៨៣,៣៦% នៃគម្រោងទាំងមូល។
បើតាមលោក ផន រឹម ការងារផ្លូវថ្នល់អនុវត្តបាន ៨០,៥៣%,ការងារស្ពានអនុវត្តបាន ៨៦,២៨%,ការងារស្ពានខ្ពស់ប្រវែង ៥៣០ម៉ែត្រ ត្រង់គីឡូម៉ែត្រ ១២៨+៩០៥ សម្រេចបាន ៤០,០០%(គ្រោងដាក់ឱ្យប្រើប្រាស់សាកល្បង នៅចុងខែមីនា ឆ្នាំ២០២៥ខាងមុខនេះ),ការងារលូកាត់ទទឹងថ្នល់ ៩៨,១៩% និង ការងារលូបណ្តោយថ្នល់ និងជញ្ជាំងការពារជើងងទេរអនុវត្តបាន ៨៧,៦៣%។
បច្ចុប្បន្ននេះ គម្រោងស្ថាបនាផ្លូវជាតិលេខ១០នេះ បានដំណើរការចាប់ផ្ដើមចាក់កៅស៊ូពីខាង ខេត្តកោះកុង ឆ្ពោះទៅកាន់រង្វង់មូលប្រមោយស្រុកវាលវែង ខេត្តពោធិ៍សាត់។
គួរបញ្ជាក់ថា ផ្លូវជាតិលេខ១០នេះ ជាប្រភេទផ្លូវ Grade III ក្រាលកៅស៊ូពីរស្រទាប់ (DBST) មានប្រវែងផ្លូវសរុប១៩៨,៥១៨គីឡូម៉ែត្រ និងទទឹង ៩ម៉ែត្រ។ គម្រោងសាងសង់ផ្លូវនេះមានរយៈពេល ៦៦ខែ និងបានចាប់ផ្ដើមសាងសង់ពីថ្ងៃទី១៨ ខែធ្នូ ឆ្នាំ២០១៩ មក ហើយគ្រោងនឹងបញ្ចប់នាខែមិថុនា ឆ្នាំ២០២៥ខាងមុខនេះ៕
![](https://cdn.cc-times.com/kh.cc-times.com/media/46924/large/Screen_Shot_0006-04-11_at_10.32.37_AM.png?1712806312)
![](https://cdn.cc-times.com/kh.cc-times.com/media/46925/large/photo_2024-04-09_18-18-07.jpg?1712806324)
![](https://cdn.cc-times.com/kh.cc-times.com/media/46926/large/photo_2024-04-09_18-18-30.jpg?1712806325)
![](https://cdn.cc-times.com/kh.cc-times.com/media/46927/large/photo_2024-04-09_18-18-34.jpg?1712806325)
![](https://cdn.cc-times.com/kh.cc-times.com/media/46928/large/photo_2024-04-09_18-19-28.jpg?1712806326)
![](https://cdn.cc-times.com/kh.cc-times.com/media/46929/large/photo_2024-04-09_18-21-05.jpg?1712806327)