ភ្នំពេញ៖ ប្រជាពលរដ្ឋ ដែលមិនសូវមានដើមទុនច្រើន ដើម្បីប្រកបរបរធំៗ បានព្យាយាមប្រកប«របរតូចតាច»តាមទីតាំងមួយចំនួនក្នុងរាជធានីភ្នំពេញ តាមលទ្ធភាពដែលគាត់អាចធ្វើបាន។ដើម្បីជួយសម្រួលដល់ជីវភាព រាជរដ្ឋាភិបាលកម្ពុជា បានណែនាំមិនឱ្យប្រមូលចំណូល«ភាស៊ី»ពីអ្នកលក់ដូរតាម កញ្ច្រែង កញ្ជើ ល្អី និង ការលក់ដូរចល័តគ្រប់ប្រភេទនៅរាជធានីភ្នំពេញ។
ក្នុងករណីមានបុគ្គលណាទាមទារ ឬបង្ខំឱ្យអាជីវករបង់ភាស៊ី ឬបង់ថ្លៃផ្សេងៗ ផ្ទុយពីការកំណត់ក្នុងសារាចរ ត្រូវឃាត់ខ្លួនជាបន្ទាន់ ឬរាយការណ៍តាម ប្រព័ន្ធទូរស័ព្ទ Hotline1299 ដើម្បីអនុវត្តទោសតាមច្បាប់។សម្រាប់អាជីវករ សាលារាជធានីភ្នំពេញ បានណែនាំឱ្យមានការលក់នៅតាមទីតាំងដែលអាជ្ញាធរផ្សារបានរៀបចំជូន ចៀសវាងការលក់ដូរតាមដងផ្លូវដែលប៉ះពាល់ដល់សោភ័ណភាព និង សណ្តាប់ធ្នាប់សាធារណៈ។
