ក្រុមហ៊ុនចិនបើកសកលវិទ្យាល័យបង្រៀនមុខវិទ្យាអាកាសចរណ៍នៅកម្ពុជា

ភ្នំពេញ៖ ក្រុមហ៊ុនចិនចំនួនពីរវិនិយោគរួមគ្នាបើកសកលវិទ្យាល័យ​មួយ  បង្រៀនមុខវិទ្យាអាកាសចរណ៍នៅកម្ពុជា។

សម្តេចតេជោហ៊ុនសែនកាលពីថ្ងៃទី២៧ខែសីហាកន្លងទៅនេះបានចុះហត្ថលេខាលើអនុក្រឹត្យមួយ ដោយឯកភាពតាមសំណើរបស់ឯកឧត្តម ហង់ ជួនណារ៉ុនរដ្ធមន្ត្រីក្រសួងអប់រំយុវជននិងកីឡា សម្រេចទទួលស្គាល់គ្រឹះស្ថានឧត្តមសិក្សាឯកជនដែលមានឈ្មោះថា សាកលវិទ្យាល័យឡានម៉េកម្ពុជា។

យោងតាមអនុក្រឹត្យបានអោយដឹងថា សាកលវិទ្យាល័យនេះមានឈ្មោះជាភាសាអងគ្លេសថាLANMEI UNIVERSITY OF CAMBODIA ដែលមានជាអក្សរកាត់ថាLUC។

សាកលវិទ្យាល័យឡានម៉េកម្ពុជាមានមហាវិទ្យាល័យចំនួន៥ ក្នុងនោះក៏មានមហាវិទ្យាល័យអាកាសចរណ៏សុីវិលផងដែរ។

សាកលវិទ្យាល័យឡានម៉េគឺជាការ​វិនិយោគរួមគ្នារបស់ក្រុមហ៊ុនចិនចំនួនពីរ ដែលមានឈ្មោះថា ក្រុមហ៊ុនយៀកថាយនិងក្រុមហ៊ុនអាកាសចរណ៍ ឡានម៉ី អ៊ែរឡាញ ក្រុមហ៊ុនទាំងពីរបានចុះកិច្ចព្រមព្រៀងគ្នាកាលពីខែកុម្ភៈឆ្នាំ២០១៩កន្លងទៅនេះ៕`