![](https://cdn.cc-times.com/kh.cc-times.com/media/44634/large/428599246_717212920558286_5097587434389760387_n.jpg?1708501644)
សៀមរាប៖ គម្រោងសិល្បៈសហគមន៍កុមារដ៏ធំបំផុតនៅអាស៊ីអាគ្នេយ៍ «ក្បួនដង្ហែតុក្កតាយក្ស» ត្រឡប់មកវិញនាថ្ងៃទី២៤ កុម្ភៈ ខាងមុខនេះ ចាប់ពីម៉ោង ៦:៣០នាទីល្ងាច។ កម្មវិធីក្បួនដង្ហែតុក្កតាយក្ស នឹងចាប់ផ្តើមក្បួនពីវត្តដំណាក់ មកតាមផ្លូវដងស្ទឹងសៀមរាប។
តុក្កតាយក្សដាយណូស័រចំនួន៩ នឹងត្រូវបង្ហាញខ្លួននៅក្នុងព្រឹត្តិការណ៍ក្បួនដង្ហែតុក្កតាយក្ស ឆ្នាំ២០២៤។ សិល្បករបានដឹកនាំសិក្ខាសាលារយៈពេលបីថ្ងៃជាមយយកុមារ ក្នុងការបង្កើតតុក្កតាយក្សដាយណូស័រ ចំនួន៩។ ក្រៅពីដង្ហែរក្បួនតុក្កតាយក្ស ព្រឹត្តិការណ៍នេះក៏មាន ល្ខោនសៀក កម្ពុជា ហ្វារ សម្លេងនៃអង្គរ និងការប្រគំតន្ដ្រីផ្ទាល់ផ្សេងៗទៀត។
ក្បួនដង្ហែតុក្កតាយក្ស រៀបចំឡើងក្នុងគោលបំណងទាក់ទាញភ្ញៀវទេសចរណ៍ជាតិ និងអន្តរជាតិឱ្យមកទស្សនាខេត្តសៀមរាប ស្របតាមយុទ្ធសាស្រ្តរបស់ក្រសួងទេសចរណ៍បានដាក់ចេញ ដែលជាកន្លែងតំបន់ទេសចរណ៍ពិភពលោកបានស្គាល់ និងបានឃើញយ៉ាងពិតប្រាកដ។
សូមជម្រាបថា នៅវេលាម៉ោង ៦:៣០នាទីល្ងាច ក្បួនដង្ហែតុក្កតាយក្ស នឹងធ្វើការរៀបចំដង្ហែចេញពីវត្តដំណាក់ឆ្វែលជុំវិញ រួចហើយយកទៅដាក់តាំងនៅក្នុងសួនច្បារព្រះដំណាក់រយ:ពេល ៥ថ្ងៃ ទុកឱ្យភ្ញៀវជាតិ និងអន្តរជាតិ ថតយករូបភាពទុកធ្វើជាអនុស្សាវរីយ៍៕
![](https://cdn.cc-times.com/kh.cc-times.com/media/44635/large/428602525_717213020558276_3922204435820290016_n.jpg?1708501656)
![](https://cdn.cc-times.com/kh.cc-times.com/media/44636/large/428603869_717213207224924_6489730425721694674_n.jpg?1708501657)
![](https://cdn.cc-times.com/kh.cc-times.com/media/44637/large/428616798_717212997224945_4048351410524829157_n.jpg?1708501664)
![](https://cdn.cc-times.com/kh.cc-times.com/media/44639/large/image-449.png?1708501674)
![](https://cdn.cc-times.com/kh.cc-times.com/media/44638/large/image-451.png?1708501674)
![](https://cdn.cc-times.com/kh.cc-times.com/media/44640/large/image-452.png?1708501683)