ត្រីបបែល១ក្បាល ទម្ងន់១១០គីឡូក្រាម ត្រូវបានជួយសង្រ្គោះ និងលែងត្រីបបែល១ក្បាល ទម្ងន់១១០គីឡូក្រាម ចូលក្នុងទន្លេមេគង្គវិញ នាថ្ងៃទី១៤ ខែកុម្ភៈ ឆ្នាំ២០២៤។ រដ្ឋបាលជលផលនៃក្រសួងកសិកម្ម កោតសរសើរដ៏ស្មោះ និងថ្លៃងអំណរគុណចំពោះ លោកឧកញ៉ា លឹម ស្រូយ ដែលបានសង្គ្រោះនិងលែងត្រីបបែល១ក្បាលនេះ ចូលក្នុងទន្លេមេគង្គវិញ។
ក្រសួងកសិកម្ម បានបញ្ជាក់ថា សកម្មភាពនេះ គឺជាគំរូដ៏ល្អនិងមានតម្លៃមិនអាចកាត់ថ្លៃបាន ក្នុងការរួមចំណែកថែរក្សា ការពារ និងអភិរក្សប្រភេទត្រីដែលជិតផុតពូជនេះ ឱ្យមានវត្តមានកាន់តែច្រើនក្នុងដែនទឹកធម្មជាតិសម្រាប់កូនចៅក្រោយៗទៀត៕
