សម្តេច ហ៊ុន ម៉ាណែត ជួបCEOក្រុមហ៊ុនវិនិយោគសេវាកម្មសណ្ឋាគារអន្តរជាតិនៅបារាំង

ទីក្រុងប៉ារីស៖ សម្ដេច ហ៊ុន ម៉ាណែត នាយករដ្ឋមន្ដ្រីកម្ពុជា នៅថ្ងៃទី១៥ មករា ម៉ោងនៅកម្ពុជា បានជួបពិភាក្សាការងារជាមួយលោកស្រី Maud BAILLY, នាយកប្រតិបត្តិ Sofitel, MGallery និង Emblems តំណាងឱ្យGroup ACCOR ។ ជំនួបនេះ ត្រូវបានធ្វើឡើងក្នុងពេលសម្តេចកំពុងបំពេញទស្សនកិច្ចរយៈពេល៦ថ្ងៃនៅប្រទេសបារាំង។

Group ACCOR ជាក្រុមហ៊ុនដែលប្រតិបត្តិការលើសេវាកម្មសណ្ឋាគារ ដែលគ្រប់គ្រងលើសណ្ឋាគារចំនួន ជាង៤០ម៉ាក (Brand) ទូទាំងពិភពលោក ក្នុងនោះ Group ACCOR ក៏បានដាក់ទុនវិនិយោគចំនួន ៩ទីតាំងនៅកម្ពុជា មាននៅក្នុងរាជធានីភ្នំពេញ ខេត្តសៀមរាប និងខេត្តព្រះសីហនុ ដូចជា៖ Raffles Hotel Le Royal, Raffles Grand Hotel d'Angkor, Sofitel Angkor Phokeethra Golf & Spa Resort, Sofitel Phnom Penh Phokeethra, ibis budget Phnom Penh Riverside, ibis Styles Siem Reap, TRIBE Phnom Penh Post Office Square, Novotel Phnom Penh BKK 1 និង Novotel Sihanoukville Holiday Resort៕