.png?1741682398)
ព្រះសីហនុ៖ នាវាទេសចរណ៍១គ្រឿង ផ្ទុកភ្ញៀវទេសចរបរទេសសរុបចំនួន ២០០៥នាក់ បានចូលចតនៅកំពង់ផែស្វយ័តក្រុងព្រះសីហនុនាថ្ងៃទី១៧វិច្ឆិកា ក្នុងគោលបំណងមកកម្សាន្តនៅកម្ពុជា រយៈពេល០២ថ្ងៃ (ក្នុងខេត្តព្រះសីហនុ)។
នាវាទេសចរណ៍ ឈ្មោះ AIDA Bella សញ្ជាតិ ITALY ដែលមានប្រវែងបណ្តោយ ២៣០ម៉ែត្រ ទទឹង ៣២ម៉ែត្រ ចេញដំណើរមកពីប្រទេសសិង្ហបុរី បានចូលចតនៅកំពង់ផែស្វយ័តក្រុងព្រះសីហនុ (ផែចាស់) ដោយសុវត្ថិភាព។
នាវិកសរុបចំនួន ៦៣១ នាក់ ស្រី ១២២នាក់ មាន ២៧សញ្ជាតិ និងមានភ្ញៀវទេសចរ សរុបចំនួន ២០០៥នាក់ ស្រី ១០៤៨នាក់ មាន ២៥សញ្ជាតិ ( សញ្ជាតិដែលមានភ្ញៀវច្រើនជាងគេគឺអាល្លឺម៉ង់ ១៨៥៩នាក់ ) ។
គួរបញ្ជាក់ថា ការចូលចតក្នុងគោលបំណងមកទស្សនាប្រទេសកម្ពុជារយៈពេល២ថ្ងៃ( ក្នុងខេត្តព្រះសីហនុ) នាវានេះនឹងចាកចេញទៅវិញនៅថ្ងៃទី១៨ ខែវិច្ឆិកា ឆ្នាំ២០២៣ វេលាម៉ោង ១៦.០០នាទីរសៀលឆ្ពោះទៅប្រទេសវៀតណាម៕
