ភ្នំពេញ៖ ប្រធានគណបក្សប្រជាជនកម្ពុជាដែលជាគណបក្សកាន់អំណាចរាជរដ្ឋាភិបាល នៅថ្ងៃទី ៩ តុលានេះ បានប្រកាសថា កម្ពុជាមិនខ្លាចនឹងចំណាយថវិកាជួលយន្តហោះពិសេស ដើម្បីទៅដឹកនិស្សិតទាំងនោះនោះឡើយ ឱ្យតែរដ្ឋាភិបាលអុីស្រាអែលតម្រូវ។ការប្រកាសនេះធ្វើឡើងក្នុងពេលសម្តេចអញ្ញើញពិធីបិទបញ្ចប់កញ្ចក់កាមេរ៉ាថត ខ្សែភាពយន្តភាគ រឿង “ កូនប្រុសក្រោមពន្លឺព្រះចន្ទពេញបូណ៌មី ”។
ក្នុងតំណែងជានាយករដ្ឋមន្ត្រីជិត៤០ឆ្នាំ និង មានបទពិសោធន៍ច្រើនឆ្នាំក្នុងវិស័យរដ្ឋសម្តេច ហ៊ុន សែន ប្រធានគណបក្សប្រជាជនកម្ពុជា និង ជាប្រធានក្រុមឧត្តមប្រឹក្សាផ្ទាល់ព្រះមហាក្សត្រ បានលើកពីប្រវត្តិដែលពលរដ្ឋកម្ពុជាជាប់នៅក្នុងប្រទេសដែលមានសង្គ្រាមដូចជាសង្គ្រាមនៅកូរ៉េ បញ្ហាកូវីដនៅចិន និង បច្ចុប្បន្ននេះសង្គ្រាមនៅប្រទេសអុីស្រាអែលជាមួយក្រុមហាម៉ាស។
បើតាមសម្តេចតេជោ បើសិនរដ្ឋាភិបាលអុីស្រាអែល មិនតម្រូវពលរដ្ឋបរទេសចាកចេញពីប្រទេសគេនោះទេ គឺយើងនៅតែបន្តរស់នៅជាមួយប្រជាជនអុីស្រាអែលដោយមិនរត់ចោលប្រជាជនអុីស្រាអែលនោះទេ។សម្រាប់សម្តេច បើរដ្ឋាភិបាលអុីស្រាអែល តម្រូវឱ្យយើងជម្លៀសនិស្សិតជាង ៤០០ នាក់ចេញពីអុីស្រាអែល កម្ពុជាមិនខ្លាចនឹងចំណាយថវិកាជួលយន្តហោះពិសេស ដើម្បីទៅដឹកនិស្សិតទាំងនោះនោះឡើយ។
គួរបញ្ជាក់ថា គិតមកដល់ពេលនេះ សង្រ្គាមដោយមិនបានព្រាងទុករបស់អ៊ីស្រាអែលជាមួយនឹងក្រុមហាម៉ាស់ប៉ាឡេស្ទីន បានបណ្តាលឲ្យមនុស្សប្រមាណជាង ១០០០នាក់ហើយបានស្លាប់ និង ជាច្រើនរយនាក់ទៀតកំពុងរងរបួស និងព្រាត់ប្រាស់គ្រួសាររបស់ខ្លួន។ប៉ាឡេស្ទីន បានបើការវាយប្រហារចូលក្នុងទឹកដីអ៊ីស្រាអែលដោយចាប់ពីការបាញ់មីស៊ីជាច្រើនពាន់គ្រាប់កាលពីល្ងាចថ្ងៃសៅរ៌ទី ៧ ខែ តុលា ជាការវាយប្រហារដោយអ៊ីស្រាអែលមិនបានត្រៀមខ្លួនជាមុន៕
