បារាំងប្រគល់«ចម្លាក់អប្សរា»ដែលត្រូវគេលួចនៅឆ្នាំ១៩៩០មកឱ្យកម្ពុជាវិញ

បារាំង៖ រដ្ឋាភិបាលបារាំង នៅថ្ងៃទី ៤ កញ្ញា បានប្រគល់«ចម្លាក់អប្សរា»មួយផ្ទាំងដែលមាន៥កំណាត់មកឱ្យស្ថានទូតកម្ពុជាប្រចាំប្រទេសបារាំង។នេះបើយោងតាមសេចក្តីប្រកាសព័ត៌មានរបស់ ស្ថានទូតកម្ពុជាប្រចាំប្រទេសបារាំង។ ចម្លាក់លិបនេះជាចម្លាក់ផលិតពីថ្មភក់ក្នុងសតវត្សរ៍ទី១២-១៣ ត្រូវគេលួចចេញពីប្រាសាទព្រះខ័ន កំពង់ស្វាយ ឬប្រាសាទបន្ទាយឆ្មាក្នុងអំឡុងទសវត្សរ៍ឆ្នាំ១៩៩០ ហើយត្រូវអាជ្ញាធរបារាំងរឹបអូសបានពីក្រុមហ៊ុនដេញថ្លៃវត្ថុបុរាណមួយនៅទីក្រុងលីយុងក្នុងឆ្នាំ២០២០។