កំពត៖ មន្ត្រីសាខា ក.ប.ប. សាខាខេត្តកំពត នៅថ្ងៃទី២១ ខែសីហា ឆ្នាំ២០២៣ បានសហការជាមួយអាជ្ញាធរដែនដី បានចុះស្រាវជ្រាវ ករណីពុលស្រារស ស្ថិតនៅភូមិស្រកានាគ ឃុំតាកែន ស្រុកឈូក ខេត្តកំពត។ យោងតាមឆ្លើយបំភ្លឺខ្លះៗពីអ្នកភូមិបានឱ្យដឹងថា អ្នកពុលស្លាប់ទាំងបីនាក់នោះ គឺពួកគាត់បានពិសារស្រាច្រើន និងរយៈពេលយូរ ជាមួយនោះផងដែរ មន្រ្តីជំនាញ បានដកយកសំណាកស្រារសចំនួន ៤គំរូ បញ្ជូនមកនាយកដ្ឋានមន្ទីរពិសោធន៍ នៃអគ្គនាយកដ្ឋាន ក.ប.ប. ដើម្បីធ្វើការវិភាគលម្អិតដើម្បីស្វេងរកមូលហេតុនៃការពុល។
