លោក ហ្សង់ហ្វ្រង់ស័រ តាន់ ​ត្រូវបានតែងតាំងជារដ្ឋមន្ត្រីប្រតិភូអមនាយករដ្ឋមន្ត្រី

ភ្នំពេញ៖លោក ហ្សង់ហ្វ្រង់ស័រ តាន់ អតីតនាយកវិទ្យុបារាំងខេមរ:ភាសា ត្រូវបាន ព្រះករុណាព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ចេញព្រះរាជក្រឹត្យតែងតាំងជារដ្ឋមន្រ្តីប្រតិភូអមនាយករដ្ឋមន្រ្តីអាណត្តិទី៧។

យោងតាមមាត្រា២នៃព្រះរាជក្រឹត្យ ការតែងតាំងនេះ ត្រូវបានរៀបចំឡើងតាមសំណើររបស់លោក ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។

គួរបញ្ជាក់ថា លោក ហ្សង់-ហ្វ្រង់ស័រ តាន់ អ្នកគ្រប់គ្រងការផ្សាយជាខេមរភាសារបស់វិទ្យុបារាំង RFI បានប្រកាសលាឈប់ពីការងារ ក្រោយបម្រើការងារអស់រយៈពេលប្រមាណ ៣០ឆ្នាំ។ការលាឈប់របស់លោក ហ្សង់-ហ្វ្រង់ស័រ តាន់ អ្នកសារព័ត៌មានភូមិសាស្ត្រនយោបាយ​ដ៏ល្បាញ​ល្បីរូបនេះ បង្កឱ្យមានការភ្ញាក់ផ្អើលជាខ្លាំង។