អាម៉េរិក៖ អ្នកនាំពាក្យក្រុមប្រឹក្សាសន្តិសុខជាតិសេតវិមានលោក John Kirby បានប្រាប់អ្នកយកព័ត៌មានកាលពីថ្ងៃពុធថា សហរដ្ឋអាម៉េរិកនឹងមិនលូកដៃពាក់ព័ន្ធទៅនឹងបញ្ហាផ្ទៃក្នុងរបស់ប្រទេសនីហ្សេរីយ៉ាឡើយ។ថ្លែងនៅក្នុងសន្និសីទសារព័ត៌មានមួយរបស់ក្រសួងការបរទេស លោក Kirby បានប្រកាសថា សហរដ្ឋអាម៉េរិកចង់ឱ្យលោក Mohamed Bazoum ប្រធានាធិបតីនីហ្សេដែលត្រូវបានគេធ្វើរដ្ឋប្រហារទទួលបានតំណែងធម្មតាវិញពីក្រុមរដ្ឋប្រហារ បើទោះបីជាអាម៉េរិកមិនលូកដៃរឿងផ្ទៃក្នុងក៏ដោយក៏អាម៉េរិកមិនគាំទ្រការធ្វើរដ្ឋប្រហារក្នុងប្រទេសនីហ្សេឡើយ។
ក្រុមអ្នកកាសែតបានសួរទៅអ្នកពាក្យរូបនេះថាតើទីក្រុងវ៉ាស៊ីនតោននឹងគាំទ្រអន្តរាគមន៍យោធាដោយសហគមន៍សេដ្ឋកិច្ចដែលដឹកនាំដោយប្រទេសនីហ្សេរីយ៉ានៃរដ្ឋអាហ្វ្រិកខាងលិច (ECOWAS) ដើម្បីស្ដាររដ្ឋាភិបាលរបស់ Bazoum ដែរឬទេ លោក Kirby ឆ្លើយតបថាអាម៉េរិកមិនទាន់ច្បាស់ការថានឹងចូលដៃជួយរឺយ៉ាណានោះទេ ក៏ប៉ុន្តែអាម៉េរិកក៏មិនគាំទ្រការធ្វើរដ្ឋប្រហារដែរ។
ក្រុម ECOWAS បានធ្វើសកម្មភាពកងកម្លាំងត្រៀមវាយចូលនីហ្សេកាលពីសប្តាហ៍មុន បន្ទាប់ពីរដ្ឋាភិបាលយោធាថ្មីរបស់នីហ្សេមិនអើពើនឹងឱសានវាទដើម្បីដោះលែងលោក Bazoum និងបោះបង់អំណាច។ ការចរចាររវាងមេដឹកនាំរដ្ឋប្រហារ និងប្លុកក្នុងតំបន់កំពុងបន្ត ខណៈពេលដែលមន្ត្រី ECOWAS ជួបប្រជុំគ្នានៅប្រទេសហ្គាណាក្នុងសប្តាហ៍នេះដើម្បីធ្វើការសម្រេចចិត្តចុងក្រោយលើសកម្មភាពយោធា ជាមួយនឹងការសម្រេចចិត្តដែលនឹងបិតបញ្ចប់នាសប្តាហ៍នេះ។
ទោះជាយ៉ាងណាក៏ដោយ ការគាំទ្រពីបរទេសចំពោះការលុកលុយរបស់ ECOWAS នៅតែខ្វះខាត។ ប្រទេសបារាំង ដែលជាអតីតចៅហ្វាយនាយអាណានិគមនីហ្សេរីយ៉ាបានគាំទ្រ "កិច្ចខិតខំប្រឹងប្រែងរបស់ ECOWAS ដើម្បីកម្ចាត់ការប៉ុនប៉ងធ្វើរដ្ឋប្រហារនេះ" ដោយមិនបានបញ្ជាក់ថាជាការគាំទ្រដំណោះស្រាយការទូត ឬយោធា ឬទាំងពីរនោះទេ។ ទន្ទឹមនឹងនេះដែរ សហភាពអាហ្រ្វិក ដែលមានសមាជិកចំនួន ៥៥ នាក់ បានបដិសេធមិនអត់ឱនចំពោះសកម្មភាពយោធា បន្ទាប់ពីកិច្ចប្រជុំកាលពីថ្ងៃពុធ នេះបើយោងតាមរបាយការណ៍របស់ប្រព័ន្ធផ្សព្វផ្សាយបារាំង។
គួរបញ្ជាក់ថាបារាំង និងអាម៉េរិករក្សាមូលដ្ឋានយោធាក្នុងប្រទេសនីហ្សេ ដោយមានទាហានអាម៉េរិកប្រហែល ១.០០០ នាក់ និងបារាំង ១.៥០០ នាក់បច្ចុប្បន្ននៅក្នុងប្រទេស។ មេដឹកនាំរដ្ឋប្រហារបានប្តេជ្ញាថា វត្តមានលោកខាងលិចនេះត្រូវតែបញ្ចប់ ហើយបានផ្អាកកិច្ចព្រមព្រៀងយោធា និងពាណិជ្ជកម្មជាមួយប្រទេសបារាំង។ ទីក្រុងប៉ារីសបានដាក់ទណ្ឌកម្មលើក្រុង Niamey ជាការឆ្លើយតប ខណៈក្រុងវ៉ាស៊ីនតោនបានកាត់ជំនួយបរទេសជាច្រើនក្នុងប្រទេសនីហ្សេ៕
