កម្ពុជា៖ ដែនជម្រកសត្វព្រៃលំផាត់ ដែលជាជម្រករបស់សត្វ និងបក្សីដែលជិតផុតពូជជាច្រើនប្រភេទ ក៏ជាទីជម្រករបស់ជនជាតិដើមភាគតិចចំនួន ៦ ផងដែរ។ ជនជាតិដើមភាគតិច ជាបុគ្គលជួរមុខ ក្នុងការការពារព្រៃឈើ និងសត្វព្រៃដ៏មានតម្លៃនៅទីនោះ។
ជនជាតិដើមភាគតិចព្នង ចារាយ ទំពួន ស្ទៀង ព្រៅ និងកាវ៉ែត (បូករួមទាំងជនជាតិឡាវ និងចាមមួយចំនួនផងដែរ) កំពុងរស់នៅក្នុងតំបន់ដែនជម្រកសត្វព្រៃលំផាត់ ហើយពួកគេគឺជាបុគ្គលជួរមុខ ក្នុងការការពារព្រៃឈើ និងសត្វព្រៃដ៏មានតម្លៃនៅទីនោះ។ ភាគច្រើននៃសមាជិកក្នុងសហគមន៍នេះ រស់នៅដោយពឹងផ្អែកលើការប្រមូលអនុផលព្រៃឈើ ការចិញ្ចឹមសត្វ ការនេសាទ និងការធ្វើស្រែ៕
