វៀតណាម៖ ប៉ូលិសវៀតណាមបានតាមចាប់ក្រុមមនុស្សរត់ពន្ធមាសពីកម្ពុជាទៅវៀតណាមតាមព្រំដែនក្នុងខេត្តអានយ៉ាង។ យោងតាមប៉ូលីសខេត្ត អានចាង បានឲ្យដឹងថា ពួកគេបានធ្វើការវាយឆ្មក់កាលពីយប់ថ្ងៃអង្គារ ហើយចាប់មនុស្សមួយក្រុមដែលចូលមកស្រុក ឡុង បិញ ដោយខុសច្បាប់ពីប្រទេសកម្ពុជាតាមទូក ហើយរកឃើញមាស១៩គីឡូក្រាម។ នេះបើយោងតាមការចុះផ្សាយរបស់កាសែតវៀតណាម VN Express។
ប៉ូលីសវៀតណាមអះអាងថាអ្នកជិះទូកបានរត់គេចខ្លួន បន្ទាប់ពីគេប្រទះឃើញ ដោយបន្សល់ទុកនូវកញ្ចប់ជាច្រើននៅលើទូក ក្នុងនោះប៉ូលីសបានរកឃើញមាសចំនួន ១៩គីឡូក្រាម។ នៅថ្ងៃបន្ទាប់ បុរសពីរនាក់ដែលមានអាយុ ៦០ និង ២២ ឆ្នាំបានប្រែខ្លួនចូល ហើយបានសារភាពថាពួកគេបានរត់ពន្ធមាសពីប្រទេសកម្ពុជាទៅកាន់ប្រទេសវៀតណាមដើម្បីលក់នៅហាងក្នុងស្រុក អាន ចាង ។ប៉ូលីសកំពុងពង្រីកការស៊ើបអង្កេតលើករណីនេះ៕
