.png?1741682398)
ភ្នំពេញ៖ភរិយារបស់អ្នកឧកញ៉ា គិត ម៉េង គឺលោកជំទាវ មៅ ចំណាន ត្រូវបាន ព្រះករុណា ព្រះបាទ សម្ដេចព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា បានចេញព្រះរាជក្រឹត្យត្រាស់ បង្គាប់ផ្ដល់ «គោរមងារ» ជា «អ្នកឧកញ៉ា» ចំណែកកូនប្រុសច្បង ឈ្មោះ លោក គិត ស៊ូឡា ផ្ដល់គោរមងារជា «ឧកញ៉ា» ។
ការចេញព្រះរាជក្រឹត្យខាងលើនេះ គឺតាមសេចក្ដីក្រាបបង្គំទូលថ្វាយពីសំណាក់សម្ដេច ហ៊ុន សែន នាយករដ្ឋមន្ត្រីនៃកម្ពុជា។
អ្នកឧកញ៉ា គិត ម៉េង គឺជាមហាសេដ្ឋីដ៏ល្បីឈ្មោះរបស់កម្ពុជា ដែលមានមុខជំនួញជាច្រើនក្នុងដៃ និង ទើបទទួលបានការជាប់ឆ្នោតជាប្រធានសភាពាណិជ្ជកម្មកម្ពុជា និង រាជធានីភ្នំពេញ សម្រាប់អាណត្តិថ្មី អាណត្តិទី៥។
អ្នកឧកញ៉ា បានសម្រេច ចូល រោងការ ជាមួយ លោកជំទាវ ម៉ៅ ចំណាន អតីតតារាសម្តែងល្បីឈ្មោះ នៅកម្ពុជា ក្រោយពី រួមរស់ ជាមួយគ្នា រហូត មានកូន ៤ នាក់។ លោកជំទាវ បានដឹកដៃស្វាមី ជាសេដ្ឋី សម្បូរទ្រព្យអ្នកឧកញ៉ា គិត ម៉េង កសាងគ្រួសារមួយយ៉ាងល្អ ជាមួយភាពជោគជ័យលើវិស័យជំនួញជាច្រើន។
រាល់ថ្ងៃពិសេសរបស់សមាជិកគ្រួសារណាម្នាក់ អ្នកឧកញ៉ា តែងតែបង្ហាញក្ដីស្រឡាញ់ទៅកាន់ពួកគេ តាមរយៈការបង្ហោះសារ ភ្ជាប់ជាមួយរូបភាពនៅ លើទំព័រហ្វេសប៊ុករបស់ ខ្លួនហើយទទួលការគោរព និង កោតសរសើជាច្រើនពីមហាជនខ្មែរផងដែរ៕
