ភ្នំពេញ៖ រយៈពេល៦ខែនៃឆ្នាំ២០២៣នេះ ភ្ញៀវទេសចរក្នុងស្រុកសរុបមានចំនួនប្រមាណ១១.១លាននាក់ កើនឡើងប្រមាណ ៧៥% ធៀបនឹងឆ្នាំ២០២២។ ដោយឡែកសប្ដាហ៍ចុងខែមិថុនា និងដើមខែកក្កដា ភ្ញៀវទេសចរចេញដើរលេងជាង៣០ម៉ឺននាក់ មានការកើនឡើងប្រមាណ៣.៧៨% ធៀបនឹងសប្តាហ៍កន្លងមក។ នេះបើតាមរបាយការណ៍របស់ក្រសួងទេសចរណ៍។
បើតាមរបាយការណ៍ ចាប់ពីថ្ងៃទី២៦ ខែមិថុនា ដល់ថ្ងៃទី២ ខែកក្កដា ឆ្នាំ២០២៣ មានភ្ញៀវទេសចរចំនួន ៣០៦,៥២៤នាក់ ចេញដើរទស្សនាកម្សាន្តទូទាំងប្រទេស ក្នុងនោះភ្ញៀវជាតិ២៧៣,០៥៥នាក់ និងភ្ញៀវបរទេសផ្ទៃក្នុង៣៣,៤៦៩នាក់។
គោលដៅទេសចរណ៍សំខាន់ៗ រួមមាន៖ ខេត្តព្រះសីហនុ ៦៥,៨៧២នាក់, ខេត្តបាត់ដំបង ៤២,៤៧៣នាក់, ខេត្តសៀមរាប ៣១,៦៣៤នាក់, រាជធានីភ្នំពេញ ៣១,៤២៤នាក់, ខេត្តកំពត ២៨,៨៥១នាក់, ខេត្តកំពង់ស្ពឺ ១៥,០៤៩នាក់, និង ខេត្តកែប ១២,៣២៦នាក់៕
