ប្រជាជនអាចទាក់ទងនិយ័តករអាជីវកម្មអចលនវត្ថុ និងបញ្ចាំ ពាក់ព័ន្ធព័ត៌មានការរឹបអូសផ្ទះ

ភ្នំពេញ៖ អនុវត្តតាមការសម្រេចដ៏ខ្ពង់ខ្ពស់បំផុតរបស់ សម្តេចអគ្គមហាសេនាបតីតេជោ ហ៊ុន សែន ក្រុមប្រឹក្សាអភិវឌ្ឍន៍កម្ពុជា កាលពីថ្ងៃទី ១៤ មិថុនា ២០២៣ បានប្រកាសនូវសេចក្តីជូនដំណឹងជូនដល់អតិថិជនដែលមានចម្ងល់ពាក់ព័ន្ធនឹងការរឹបអូស អាចទាក់ទងទៅកាន់និយ័តករអាជីវកម្មអចលនវត្ថុនិងបញ្ចាំ។

បើតាមសេចក្តីជូនដំណឹងបានឱ្យដឹងថា ប្រជាពលរដ្ឋដែលមានចម្ងល់ពីការរឹបអូសផ្ទះ អាចទាក់ទងទៅកាន់ និយ័តករអាជីវកម្មអចលនវត្ថុនិងបញ្ចាំ តាមរយៈទូរស័ព្ទ ឬ តេលេក្រាមលេខ ០១២ ៣៩៣ ៧២៧ / ០៩៩ ៩៨០ ៤៩៩ / ០៦៩ ៥១៧ ១៨៦ ឬ អាចអញ្ជើញទៅដោយផ្ទាល់នៅអគារអាជ្ញាធរសេវាហិរញ្ញវត្ថុមិនមែនធនាគារ ដែលមានអាសយដ្ឋាននៅអគារ ១៦៨F ជាន់ទី៧ ផ្លូវលេខ ៥៩៨ សង្កាត់ច្រាំងចំរេះ១ ខណ្ឌឬស្សីកែវ រាជធានីភ្នំពេញ៕