ជប៉ុន៖ ក្រសួងការពារជាតិជប៉ុនបានប្រកាសពន្យារពេលមិនកំណត់នៃការបញ្ជាទិញនៃសព្វាវុធអាម៉េរិកដើម្បីតាមដាន និងកម្ទេចគ្រាប់រ៉ុក្កែត មីស៊ីលផ្លោង ដែលអាចបង្កការគំរាមកំហែងដល់ទឹកដីនៃប្រទេសជប៉ុនក្នុងការគំរាមគំហែងរបស់កូរ៉េខាងជើង។ ការប្រកាសប្រុងជើងដាក់ពង្រាយខែលមីស៊ីលនេះធ្វើឡើងបន្ទាប់ពីកូរ៉េខាងជើងបានប្តេជ្ញាថានឹងធ្វើការប៉ុនប៉ងបាញ់បង្ហោះផ្កាយរណបយោធាមួយផ្សេងទៀត។
មន្រ្តីនៃក្រសួងការពារជាតិជប៉ុនបានគូសបញ្ជាក់ថា "ទាក់ទងនឹងបទបញ្ជាស្តីពីការដាក់ចេញនូវវិធានការប្រុងជើងខែលមីស៊ីលរបស់ខ្លួនដើម្បីស្ទាក់បាញ់មីស៊ីលរបស់កូរ៉េខាងជើង ប្រសិនបើប្រទេសជប៉ុនរកឃើញការគំរាមគំហែងណាមួយរបស់កូរ៉េខាងជើងធ្វើមកលើប្រទេសជប៉ុន។
ទីក្រុងតូក្យូបានចេញបញ្ជាបាញ់បង្ហោះមីស៊ីលដំបូងកាលពីចុងខែឧសភា បន្ទាប់ពីទីក្រុងព្យុងយ៉ាងបានព្រមានឆ្មាំសមុទ្រជប៉ុនអំពីចេតនារបស់ខ្លួនក្នុងការបាញ់បង្ហោះផ្កាយរណបយោធាទៅកាន់គន្លងតារាវិថី។ យោធាជប៉ុនបានបន្តដាក់ពង្រាយប្រព័ន្ធការពារកាំជ្រួច Patriot ដែលផលិតដោយសហរដ្ឋអាម៉េរិកទៅកាន់កោះភាគនិរតីរបស់ខ្លួន ខណៈដែលនាវាពិឃាត Aegis របស់ជប៉ុនដែលបំពាក់ដោយឧបករណ៍ស្ទាក់ចាប់ SM-3 ត្រូវបានបញ្ជូនទៅល្បាតនៅសមុទ្រចិនខាងកើត។
កាលពីថ្ងៃទី ៣១ ខែឧសភា ប្រទេសកូរ៉េខាងជើងបានអះអាងថា រ៉ុក្កែតដែលផ្ទុកផ្កាយរណបយោធា Malligyong-1 របស់ខ្លួនបានធ្លាក់ចូលទៅក្នុងសមុទ្រលឿង បន្ទាប់មីស៊ីលដំណាក់កាលទីពីរបានបរាជ័យក្នុងការបញ្ឆេះដោយសារតែ "ដំណើរការខុសប្រក្រតី"។
បន្ទាប់ពីការបរាជ័យនេះ Kim Yo-jong ប្អូនស្រីដ៏មានឥទ្ធិពលរបស់មេដឹកនាំកូរ៉េខាងជើង Kim Jong-un បាននិយាយថា "នាងប្រាកដណាស់ថាផ្កាយរណបឈ្លបយកការណ៍យោធារបស់កូរ៉េខាងជើងនឹងត្រូវបានដាក់ឱ្យត្រឹមត្រូវនៅក្នុងគន្លងអវកាសនាពេលខាងមុខ ហើយចាប់ផ្តើមបេសកកម្មរបស់ខ្លួន"។
ចំណែកមន្ត្រីប្រធានាធិបតីជាន់ខ្ពស់នៃប្រទេសកូរ៉េខាងត្បូងម្នាក់បានប្រាប់សារព័ត៌មាន Yonhap ថា កូរ៉េខាងត្បូងក៏មានការប្រុងប្រយ័ត្នចំពោះការបាញ់បង្ហោះលើកទីពីរដែលអាចកើតមានផងដែរ ព្រោះថា “ទោះបីជារយៈពេលនៃការជូនដំណឹងត្រូវបានបញ្ចប់ក៏ដោយ ក៏កូរ៉េខាងជើងអាចបាញ់មីស៊ីលផ្លោងរយៈចម្ងាយឆ្ងាយបានគ្រប់ពេលដោយមិនមានការជូនដំណឹងជាមុន”។
សម្រាប់ សេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិហាមប្រាមទីក្រុងព្យុងយ៉ាងពីការប្រើប្រាស់បច្ចេកវិទ្យាមីស៊ីលផ្លោងសម្រាប់គោលបំណងណាមួយ រួមទាំងការបាញ់បង្ហោះផ្កាយរណបផងដែរ។ ក្នុងអំឡុងពេលកិច្ចប្រជុំក្រុមប្រឹក្សាកាលពីដើមខែនេះ សហរដ្ឋអាម៉េរិកបានជំរុញឱ្យសមាជិកផ្សេងទៀតចូលរួមជាមួយអាម៉េរិក ក្នុងការថ្កោលទោស "អាកប្បកិរិយាខុសច្បាប់" របស់កូរ៉េខាងជើង។ ទីក្រុងវ៉ាស៊ីនតោនក៏បានអំពាវនាវដល់ UNSC ឱ្យធានាថាទីក្រុងព្យុងយ៉ាងមិនព្យាយាមបន្ថែមទៀតក្នុងការបាញ់បង្ហោះផ្កាយរណបទៅកាន់តារាវិថីនោះទេ។ ទោះបីជាយ៉ាងណាក៏ដោយ រុស្ស៊ី និងចិនបានបដិសេធមិនធ្វើការស្តីបន្ទោសទីក្រុងព្យុងយ៉ាង ដោយលើកហេតុផលថា មានការព្រួយបារម្ភផ្នែកសន្តិសុខស្របច្បាប់នៅពីក្រោយសកម្មភាពរបស់កូរ៉េខាងជើង៕
