![](https://cdn.cc-times.com/kh.cc-times.com/media/32400/large/347411356_265999332501431_4305112100673734019_n.jpg?1685074488)
ភ្នំពេញ៖ ជប៉ុនបានចុះហត្ថលេខាលើលិខិតប្តូរសារ និងឯកសារពាក់ព័ន្ធលើការផ្តល់ឥណទានសម្បទាន និងហិរញ្ញវត្ថុឥតសំណង ដែលមានទឹកប្រាក់សរុបជាង៥៥លានដុល្លារអាមេរិក ដើម្បីអភិវឌ្ឍន៍គម្រោងធំៗចំនួន២នៅក្នុងប្រទេសកម្ពុជា។ នេះបើតាមសេចក្ដីប្រកាសរបស់ក្រសួងការបរទេស និងសហប្រតិបត្តិការអន្តរជាតិ។
បើតាមសេចក្ដីប្រកាស នៅព្រឹកថ្ងៃទី២៤ ខែឧសភា ឆ្នាំ២០២៣ នៅទីស្ដីការក្រសួង ឯកឧត្ដម ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិកម្ពុជា និង ឯកឧត្ដម UENO Atsushi ឯកអគ្គរាជទូតជប៉ុន ប្រចាំកម្ពុជា បានចុះហត្ថលេខាលើលិខិតប្ដូរសារ និងឯកសារពាក់ព័ន្ធដូចជា៖១. ឥណទានសម្បទានប្រាក់យ៉េន ដែលមានទឹកប្រាក់ចំនួន ៧.២០៥ លានយ៉េន (ប្រមាណ ៥២,៦ លានដុល្លារអាមេរិក) សម្រាប់អនុវត្ត «គម្រោងការធ្វើឱ្យប្រសើរឡើងវិញនូវផ្លូវជាតិលេខ៥ (កំណាត់ផ្លូវពីព្រែកក្ដាម-ធ្លាម្អម) ដំណាក់កាលទី៤» និង២. ហិរញ្ញប្បទានឥតសំណង ដែលមានទឹកប្រាក់ចំនួន ៣៦៦ លានយ៉េន (ប្រមាណ ២,៦៧ លានដុល្លារអាមេរិក) សម្រាប់អនុវត្ត «គម្រោងអាហារូបករណ៍អភិវឌ្ឍន៍ធនធានមនុស្ស»៕
![](https://cdn.cc-times.com/kh.cc-times.com/media/32401/large/347245530_816969089953136_4897905006240123080_n.jpg?1685074497)
![](https://cdn.cc-times.com/kh.cc-times.com/media/32402/large/340010512_3476264256033352_1802556993167130109_n.jpg?1685074514)
![](https://cdn.cc-times.com/kh.cc-times.com/media/32404/large/347229376_809588837260458_2632489804952016025_n.jpg?1685074523)