Yearendyearend1140x150
Img 0571

លោក Kawin បញ្ចេញមតិមិនពេញចិត្តទៅកីឡាករថៃ មិនចេះទប់កំហឹង និងភាពចាស់ទុំ ក្នុងនាមជាកីឡាករបាល់ទាត់

សង្គម
/
អ្នកយកព័ត៌មាន:
អូប សំអាត
/

ភ្នំពេញ៖ លោក Tong Kawin Thamsatchanan ជាកីឡាករបាល់ទាត់ជម្រើសជាតិ និងជាបុគ្គលិកក្នុងវិស័យបាល់ទាត់ថៃ បានបង្ហោះសារមិនពេញចិត្តទៅកីឡាករថៃ និងក្រើនរម្លឹកក្រុមយុវជនជម្រើសជាតិថៃ ឲ្យចេះទប់កំហឹងខ្លួនឯងឲ្យមានភាពចាស់ទុំ មានលក្ខណៈសម្បត្តិកីឡាករបាល់ទាត់ជាមូលដ្ឋាន។ ក្រោយពីក្រុមបាល់ទាត់ថៃ បានចាញ់ក្រុមឥណ្ឌូនេស៊ី ក្នុង លទ្ធផល ៥-២ ក្នុងការប្រកួតកីឡាបាល់ទាត់បុរស នៅស៊ីហ្គេមលើកទី៣២ នៅពហុកីឡដ្ឋានជាតិអូឡាំពិក នៅថ្ងៃ ទី ១៦ ខែ ឧសភា ក្នុងការប្រកួតវគ្គផ្ដាច់ព្រ័ត្រ ដែលមានបញ្ហាជម្លោះ។

នេះបើយោងតាមសារបង្ហោះរបស់លោក Tong Kawin Thamsatchanan ជាកីឡាករបាល់ទាត់ជម្រើសជាតិ និងជាបុគ្គលិកម្នាក់ក្នុងវិស័យបាល់ទាត់ថៃបានបង្ហោះសារក្នុង Instagram kawiator ផ្ទាល់ខ្លួនរបស់លោកថា «ការគ្រប់គ្រងអារម្មណ៍ និងការបង្ហាញពីភាពចាស់ទុំ វាត្រូវបានគេចាត់ទុកថាជាគុណភាពជាមូលដ្ឋានដែលបុគ្គលិកបាល់ទាត់គួរតែមាន»។

លោក Kawin បានសង្កត់ធ្ងន់ថា ក្នុងនាមជាក្រុមជម្រើសជាតិថៃ ហើយក៏ជាតំណាងដ៏មានមោទនភាពរបស់ប្រជាជនថៃ ដែលពួកគេរង់ចាំកោតសរសើរ។ មិនត្រឹមតែក្នុងទំហំនៃការឈ្នះនិងការចាញ់ប៉ុណ្ណោះទេប៉ុន្តែវាក៏រួមបញ្ចូលទាំង ការធ្វើជាគំរូល្អផងដែរ។ ហើយអ្វីដែលកាន់តែធំនោះ គឺមានមនុស្សមកមើល នោះគឺគាត់គោរពយើង»។ លោកបានបន្ថែមថា « កីឡាបាល់ទាត់គឺជាអាជីពដ៏ថ្លៃថ្នូ ហើយក៏ជាអាជីពមួយដែលត្រូវបានគេចាត់ទុកជាគំរូដល់យុវជនជំនាន់ក្រោយផងដែរ»។


គួរបញ្ជាក់ថា ក្រោយពីក្រុមបាល់ទាត់ជម្រើសជាតិថៃ បានចាញ់ក្រុមជម្រើសជាតិឥណ្ឌូនេស៊ី ក្នុងលទ្ធផល ២-៥ ក្នុងការប្រកួតកីឡាបាល់ទាត់បុរស នៅវគ្គផ្ដាច់ព្រ័ត្រ ក្នុងព្រឹត្តិការណ៍ស៊ីហ្គេម លើក ទី៣២ នៅពហុកីឡដ្ឋានជាតិអូឡាំពិក កាលពីថ្ងៃទី១៦ ខែ ឧសភា កន្លងទៅនេះ ក្នុងពេលប្រកួតបានកើតមានបញ្ហាជម្លោះនៅក្នុងអំឡុងពេលប្រកួតរវាងក្រុមទាំង២ ថៃ និងឥណ្ដូនេស៊ី៕



ផ្ទាំងពាណិជ្ជកម្ម
Img 4048
Photo 2023 06 28 13.36.05
Photo 2022 10 27 10.25.23
Khcct banner

អត្ថបទទាក់ទង