![](https://cdn.cc-times.com/kh.cc-times.com/media/31733/large/%E6%96%B9%E7%81%BF%E6%88%90%E5%8B%8B%E7%88%B5%EF%BC%88%E5%8F%B3%EF%BC%89%E4%BB%A3%E8%A1%A8%E6%9F%AC%E5%8D%8E%E7%90%86%E4%BA%8B%E6%80%BB%E4%BC%9A%E7%99%BB%E5%8F%B0%E6%8E%A5%E5%8F%97%E2%80%9C%E5%8D%8E%E7%A4%BE%E4%B9%8B%E5%85%89%E2%80%9D%E5%A5%96%E6%9D%AF%E3%80%82.jpg?1683692045)
ប៉េកាំង៖ សមាគមសម្ព័ន្ធខ្មែរ-ចិននៅកម្ពុជា កាលពីថ្ងៃទី ៨ ឧសភា ត្រូវបានមហាសន្និបាតមិត្តភាពនៃសហគមជនជាតិចិន និងអាណិកជនចិនពិភពលោកលើកទី១០ ប្រគល់ជូននូវពានរង្វាន់កិត្តិយសដែលមានឈ្មោះថា «ពន្លឺនៃសហសង្គមចិន» និង បានកោតសរសើរសមាគមសម្ព័ន្ធខ្មែរ-ចិន ដែលបានកសាងស្ពាននៃការផ្លាស់ប្តូរមិត្តភាពរវាងប្រទេសចិន និង កម្ពុជាអស់រយៈពេល ៣៣ឆ្នាំកន្លងមក។
ពិធីប្រគល់ពានរង្វាន់នេះ រៀបចំឡើងនៅវិមានសភាប្រជាជននៅក្រុងប៉េកាំង ក្រោមអធិបតីភាពរបស់លោក ស៊ី ជីនពីង អគ្គលេខាធិការនៃគណៈកម្មាធិការមជ្ឈិមបក្សកុម្មុយនីស្តចិន និង ប្រធានរដ្ឋចិន ដោយលោកបានជួបសំណេះសំណាលយ៉ាងស្និទ្ធស្នាលជាមួយតំណាងសហគមចិនដែលបានចូលរួមមហាសន្និបាតមិត្តភាពនៃសហគមជនជាតិចិន និងអាណិកជនចិនពិភពលោកលើកទី១០នៅឆ្នាំនេះ។
តំណាងសមាគមចិននៅប្រទេសកម្ពុជាចំនួន ៥រូបត្រូវបានអញ្ជើញឱ្យចូលរួមមហាសន្និបាតនេះ រួមមានអនុប្រធានអចិន្ត្រៃយ៍សមាគមសម្ព័ន្ធខ្មែរចិន លោកឧកញ៉ា ជាសឿន និង លោកឧកញ៉ាថៃ វ៉ាននិងលោកសុកហ៊ុយ ជាអគ្គលេខាធិការសមាគមសម្ព័ន្ធខ្មែរចិន និងពីរនាក់ផ្សេងទៀត។
គួរបញ្ជាក់ថា មហាសន្និបាតមិត្តភាពនៃសហគមជនជាតិចិន និង អាណិកជនចិនពិភពលោកលើកទី១០ រៀបចំដោយការិយាល័យកិច្ចការអាណិកជននៃក្រុមប្រឹក្សារដ្ឋ និង សមាគមជនជាតិចិន និងអាណិកជនចិន គឺជាវេទិកាផ្លាស់ប្តូរបទពិសោធន៍ដ៏សំខាន់សម្រាប់មេដឹកនាំនៃសមាគមជនជាតិចិន និងអាណិកជនចិននៅជុំវិញពិភពលោក។អ្នកទទួលខុសត្រូវជិត ៥០០នាក់ នៃសមាគមជនជាតិចិន និងអាណិកជនចិនមកពីជាង ១៣០ ប្រទេស និង តំបន់បានចូលរួមមហាសន្និបាតនេះ។
លោកស្រី ឈិន ស៊ី ប្រធានការិយាល័យកិច្ចការអាណិកជននៃក្រុមប្រឹក្សារដ្ឋចិនបានចែកពានរង្វាន់ «ពន្លឺនៃសហសង្គមចិន» ទៅឲ្យលោកឧកញ៉ា ជាសឿន តំណាងសមាគមសម្ព័ន្ធខ្មែរ-ចិននៅកម្ពុជា។
មហាសន្និបាតមិត្តភាពនៃសមាគមជនជាតិចិន និងអាណិកជនចិនពិភពលោកលើកទី១០ បានកោតសរសើរសមាគមសម្ព័ន្ធខ្មែរ-ចិន ដែលក្នុងរយៈពេល៣៣ឆ្នាំមកនេះ ក្នុងនាមជាសមាគមចិនដ៏ធំបំផុតនៅប្រទេសកម្ពុជា បានប្រមូលផ្តុំកម្លាំងនៃជនជាតិចិន និង អាណិកជនចិនទាំងអស់នៅប្រទេសកម្ពុជា រួមគ្នាកសាងស្ពានមេត្រីភាពនៃការផ្លាស់ប្តូរមិត្តភាពរវាងប្រទេសចិន និងកម្ពុជាពីមួយជំនាន់ទៅមួយជំនាន់៕
![](https://cdn.cc-times.com/kh.cc-times.com/media/31735/large/%E6%9F%AC%E5%8D%8E%E7%90%86%E4%BA%8B%E6%80%BB%E4%BC%9A%E8%8E%B7%E2%80%9C%E5%8D%8E%E7%A4%BE%E4%B9%8B%E5%85%89%E2%80%9D%E8%8D%A3%E8%AA%89%E8%AF%81%E4%B9%A6%E3%80%82.jpg?1683692168)
![](https://cdn.cc-times.com/kh.cc-times.com/media/31736/large/%E6%9F%AC%E5%9F%94%E5%AF%A85%E4%BD%8D%E5%8D%8E%E7%A4%BE%E4%BB%A3%E8%A1%A8%E5%BA%94%E9%82%80%E5%8F%82%E5%8A%A0%E7%AC%AC%E5%8D%81%E5%B1%8A%E4%B8%96%E7%95%8C%E5%8D%8E%E4%BE%A8%E5%8D%8E%E4%BA%BA%E7%A4%BE%E5%9B%A2%E8%81%94%E8%B0%8A%E5%A4%A7%E4%BC%9A%E3%80%82.jpg?1683692169)
![](https://cdn.cc-times.com/kh.cc-times.com/media/31737/large/%E5%9B%BE%E7%89%87_20230509152046.jpg?1683692194)