.jpg?1683608974)
ភ្នំពេញ៖ ក្បាច់គុនល្បុក្កតោខ្មែរ ដែលចាក់ឫសចាក់គល់យ៉ាងជ្រៅ នៅក្នុងសង្គមខ្មែរជាច្រើនសតវត្សរ៍មកហើយ និង បន្តរស់រានក្នុងសង្គមខ្មែររហូតដល់បច្ចុប្បន្ន កំពុងតែរីកមុខមាត់ឡើងវិញជាថ្មី ក្រោយស្តើរតែបាត់បង់ទាំងស្រុងក្នុងសម័យសង្គ្រាមជាច្រើនឆ្នាំរបស់កម្ពុជា។ក្នុងនាមជាម្ចាស់ផ្ទះស៊ីហ្គេម កម្ពុជាបានដាក់បញ្ជូលក្បាច់គុនល្បុក្កតោខ្មែរក្នុងការប្រកួតកីឡាអាស៊ីអាគ្នេយ៍ ដែលជាអ្វីដែលប្រជាពលរដ្ឋកម្ពុជាទាំងមូលមានក្តីសុបិន ក្នុងការនាំយកកីឡាទៅកាន់ពិភពលោក។
ក្រោយពីទទួលបានឯករាជ្យពីបារាំងនៅថ្ងៃទី ៩ វិច្ឆិកា ឆ្នាំ១៩៤៩ ប្រទេសកម្ពុជាបានស្គាល់នូវភាពរីកចម្រើនជាយ៉ាងក្រោមការដឹងនាំដោយព្រះបាទនរោត្តម សីហនុ ព្រះបរមរតនកោដ្ឋ ដែលពលរដ្ឋជាច្រើនស្គាល់ថា«សង្គមរាស្រ្តនិយម» ដោយបរទេសជាច្រើនចាត់ទុកថា កម្ពុជាជាគុជនៅអាស៊ី។
តែជាអកុសល បន្ទាប់មកវាត្រូវបានតាមប្រមាញ់ដោយរបបខ្មែរក្រហមប្រល័យពូជសាសន៍នៃទសវត្សរ៍ឆ្នាំ ១៩៧០ ដែលបានបំផ្លាញ់ស្ទើរគ្មានសល់នូវអ្នកចេះដឹង វប្បធម៌ ប្រពៃណី បូករួមទាំងក្បាច់គុនល្បុក្កតោខ្មែរផងដែរ។
ចាប់ពីឆ្នាំ១៩៩៨ កម្ពុជាបានស្គាល់នូវសុខសន្តិភាព និង ការអភិវឌ្ឍ ជាឱកាសដ៏ធំធេងរបស់ប្រជាជនកម្ពុជាទាំងប្រុសស្រីគ្រប់វ័យ អាចទទួលបានការសិក្សា រកស៊ីអាជីវកម្មនានា ហើយនៅឆ្នាំ២០២៣នេះទៀតសោត កម្ពុជាបានទទួលធ្វើជាម្ចាស់ផ្ទះនៃការប្រកួតកីឡារអាស៊ីអាគ្នេយ៍ ស៊ីហ្គេម ហើយក្បាច់គុនល្បុក្កតោខ្មែរក៏ត្រូវបានដាក់បញ្ជូលក្នុងវិញ្ញាសារផងដែរ។
ល្បុក្កតោជាអាវុធដំបងខ្លីមួយប្រភេទអបភ្ជាប់នឹងកំផួនដៃសម្រាប់រងនឹងដំបងវែង ឬបុកបុះការពារខ្លួន។គុនល្បុក្កតោ គឺជាក្បាច់គុនមហាកម្លាំងប្រើប្រាស់នៅក្នុងចម្បាំងប្រឆាំងសត្រូវឈ្លានពាន ដើម្បីការពារប្រទេស ប្រាសាទ គ្រួសារ ស្រុកភូមិ ព្រមទាំងការពារសុវត្តិភាពផ្ទាល់ខ្លួន និងទ្រព្យសម្បត្តិ ទប់ទល់នឹងសត្វសាហាវ។ល។
ថ្មីៗនេះ កីឡាករ ល្បុក្កតោ ឌឹប ង៉ែត របស់កម្ពុជា បានយកឈ្នះគូប្រជែងហ្វីលីពីន Ariel Lee Biadno Lampacan លើ ទម្ងន់ ៥៥គីឡូក្រាម ដើម្បីទទួលបានមេដាយមាសពីព្រឹត្តិការណ៍កីឡាស៊ីហ្គេម លើកទី៣២នៅមជ្ឈមណ្ឌលជ្រោយចង្វារ នា ល្ងាច ថ្ងៃទី៨ ខែឧសភា។គូប្រកួតហ្វីលីពីនដែលចាញ់របស់គាត់បានលើកគាត់នៅលើស្មារបស់គាត់ ដើម្បីភាពរីករាយនៃអ្នកគាំទ្រក្នុងស្រុក។
គួរបញ្ជាក់ថា ក្បាច់គុនល្បុក្កតោរបស់កម្ពុជាត្រូវបានដាក់បញ្ចូលក្នុងបញ្ជីតំណាងបេតិកភណ្ឌវប្បធម៌អរូបីនៃមនុស្សជាតិរបស់អង្គការយូណេស្កូ កាលពីថ្ងៃទី២៩ ខែវិច្ឆិកា ឆ្នាំ២០២២។ ការដាក់ក្បាច់គុនល្បុក្កតោខ្មែរចូលក្នុងបញ្ជីរបស់អង្គការយូណេស្កូនេះជា ជំហាននេះគឺជា«ជោគជ័យ» និងជា«មោទនភាពជាតិដ៏ធំធេង»ថ្មីមួយទៀត ហើយនេះជា«សក្ខីភាពបង្ហាញពីការស្រឡាញ់ ការយកចិត្តទុកដាក់ និង ការសហការគ្នាយ៉ាងជិតស្និទ្ធរវាងគ្រប់ភាគីពាក់ព័ន្ធទាំងអស់»។ក្បាច់គុនល្បុក្កតោជាបេតិកភណ្ឌទី៦របស់កម្ពុជាហើយដែលត្រូវបានបញ្ចូលនៅក្នុងបញ្ជីបេតិកភណ្ឌវប្បធម៌អរូបីរបស់អង្គការយូណេស្កូ រួមជាមួយល្ខោនស្បែកធំ របាំព្រះរាជទ្រព្យ ល្បែងទាញព្រ័ត្រ ចាប៉ីដងវែង និងល្ខោនខោលវត្តស្វាយអណ្តែត៕
