ភ្នំពេញ៖ អ្នកយកព័ត៌មានរបស់សារព័ត៌មានពាណិជ្ជកម្ម（The Commercial News）និងស៊ីស៊ីថាមស៍（The Cambodia China Times）នៅថ្ងៃទី០៣ខែឧសភានេះ បានចេញដំណើរទៅកាន់ខេត្តហ៊ូណាន ប្រទេសចិន ដើម្បីទស្សនាតំបន់ទេសចរណ៍សំខាន់ៗ និងស្វែងយល់វប្បធម៌ជនជាតិភាគតិចនៅខេត្តហ៊ូណាន។
តបតាមការអញ្ជើញរបស់ទីភ្នាក់ងារព័ត៌មាន《China News Service》សាខាខេត្ត ហ៊ូណាន លោកផាត ច័ន្ទណា ប្រធានផ្នែកវីដេអូនៃសារព័ត៌មានពាណិជ្ជកម្មនិងស៊ីស៊ីថាមស៍ និងអ្នកយកព័ត៌មាន កញ្ញាតាំង ហ្គិចឡេង បានធ្វើដំណើរតាមជើងហោះហើរពីអាកាសយានដ្ឋានអន្តរជាតិភ្នំពេញទៅកាន់ខេត្តហ៊ូណាន ប្រទេសចិននៅព្រឹកនេះ។
ការិយាល័យព័ត៌មាននៃរដ្ឋាភិបាលក្រុង Huai hua នៃខេត្ត ហ៊ូណាន និងទីភ្នាក់ងារព័ត៌មានChina Newsសាខាខេត្ត ហ៊ូណាននឹងសហការរៀបចំព្រឹត្តិការណ៍ "ដំណើរកម្សាន្តរបស់សារព័ត៌មានល្បីៗរបស់ប្រទេសអាស៊ានក្នុងទីក្រុងHuai hua" កម្មវីធីនេះមានរយៈពេលមួយសប្តាហ៌ គឺចាប់ពីថ្ងៃទី ៤ ដល់ថ្ងៃទី ១០ ខែឧសភា។
ក្នុងអំឡុងពេលនៃព្រឹត្តិការណ៍នេះ អ្នកយកព័ត៌មានរបស់ សារព័ត៌មានពាណិជ្ជកម្មនិងស៊ីស៊ីថាមស៍ នឹងចូលរួមពិព័រណ៍សេដ្ឋកិច្ច និងពាណិជ្ជកម្ម RCEPហ៊ូណានលើកទីមួយ ហើយនឹងទៅយកព័ត៌មាននៅតំបន់ទេសចរណ៍សំខាន់ៗ ដូចជា Yuan ling , Xu pu, Xin huang និងកន្លែងផ្សេងទៀតនៅក្នុងទីក្រុងHuai hua និងស្វែងយល់ពីវប្បធម៌ជនជាតិភាគតិចក្នុងតំបន់នោះផងដែរ៕
