ភ្នំពេញ៖ គណប្រតិភូពិសេស CAMSOC នាថ្ងៃទី ២៤ ខែមេសា បានបើកការជួបប្រជុំពិភាក្សាការងារជាមួយភាគីឡាវ ដើម្បីត្រៀមរៀបចំពិធីដង្ហែព្រះអគ្គិជ័យកីឡា និងភ្លើងគប់កីឡាស៊ីហ្គេម-អាស៊ានប៉ារ៉ាហ្គេម ឆ្នាំ២០២៣ បានទៅដល់ទីក្រុងវៀងច័ន្ទន៍ ប្រទេសឡាវ ។
លោក ហោ សារុន រដ្ឋលេខាធិការក្រសួងទេសចរណ៍ និងជាបេសកជនពិសេស CAMSOC ទទួលបានការអញ្ជើញទទួលស្វាគមន៍ពីលោកស្រី ថោង សុគន្ធារី ឯកអគ្គរាជទូតកម្ពុជាប្រចាំប្រទេសឡាវ និងមន្ដ្រីទូត ព្រមទាំងលោក Sengphone Phonamath អនុប្រធាន និងជាអគ្គលេខាធិការគណៈកម្មាធិការជាតិអូឡាំពិកឡាវផងដែរ។
គួរបញ្ជាក់ថា ពិធីដង្ហែព្រះអគ្គិជ័យកីឡា និងភ្លើងគប់កីឡាស៊ីហ្គេម-អាស៊ានប៉ារ៉ាហ្គេម នឹងធ្វើឡើងនៅថ្ងៃទី២៥ ខែមេសា នាទីក្រុងវៀងច័ន្ទន៍ ប្រទេសឡាវ និងជាប្រទេសចុងក្រោយនៃពិធីដង្ហែព្រះអគ្គិជ័យកីឡា និងភ្លើងគប់កីឡាស៊ីហ្គេម-អាស៊ានប៉ារ៉ាហ្គេម មុនចូលប្រទេសកម្ពុជាវិញ៕
