ភ្នំពេញ៖ ក្រុមបាល់ទះជម្រើសជាតិហ្វីលីពីន នៅថ្ងៃទី១៨ ខែមេសា នឹងចូលទៅក្នុងក្នុងការប្រកួតពូល A ក្នុងប្រភេទកីឡាបាល់ទះបុរសក្នុងសាល នៃព្រឹត្តិការណ៍កីឡាស៊ីហ្គេម លើកទី៣២ ឆ្នាំ២០២៣។
សហព័ន្ធកីឡាបាល់ទះកម្ពុជា បានសម្រេចឲ្យក្រុមបាល់ទះជម្រើសជាតិហ្វីលីពីនចូលរួមប្រកួតដោយមានការព្រមព្រៀងពីគណៈកម្មាធិការជាតិអូឡាំពិកនៃប្រទេសទាំង ៧ ដែលចូលរួមលើប្រភេទកីឡាបាលទះបុរសក្នុងសាល។ ក្រោយទទួលគោលការណ៍អនុញ្ញាតពី សម្តេច ទៀ បាញ់ ដែលជាប្រធានគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ លើកទី៣២ និងអាស៊ានប៉ារ៉ាហ្គេម លើកទី១២ ឆ្នាំ២០២៣។
គួរបញ្ជាក់ថា កីឡាបាល់ទះបុរសក្នុងសាល មានប្រទេសចំនួន៧ចូលរួមប្រកួត រួមមាន ឥណ្ឌូនេស៊ី វៀតណាម ថៃ ម៉ាឡេសស៊ី មីយ៉ាន់ម៉ា ហ្វីលីពីន ព្រមទាំងកម្ពុជាជាម្ចាស់ផ្ទះផងដែរ៕
