ពោធិ៍សាត់៖បុរសម្នាក់បានសម្រេចចិត្តបញ្ចប់ជីវិតខ្លួនឯង ជាមួយកូនប្រុសអាយុ៤ឆ្នាំ ដោយសារអស់លទ្ធភាពដើម្បីព្យាបាលជំងឺត្រូវលាងឈាម ក្នុងមួយសប្ដាហ៍ ២-៣ដង ហើយបន្សល់ទុកនូវបណ្តាំសរសេរដៃមួយសន្លឹក។ហេតុការណ៍នេះ បានបង្កឲ្យមានការភ្ញាក់ផ្អើលនៅព្រឹកថ្ងៃទី០៤ ខែមីនា ឆ្នាំ២០២៣នេះ ស្ថិតភូមិដង្គារ សង្កាត់ផ្ទះព្រៃ ក្រុងពោធិ៍សាត់ ខេត្តពោធិ៍សាត់។
បុរសម្នាក់នោះមានឈ្មោះ ហុង ចំរើន អាយុ៣៥ឆ្នាំ ខណៈកូនប្រុសអាយុ៤ឆ្នាំ ឈ្មោះ ចំរើន បញ្ញា។ការបញ្ចប់ជីវិតនេះ គឺដោយសារអស់លទ្ធភាពដើម្បីព្យាបាលជំងឺខូចក្រលៀន ដែលគ្រូពេទ្យតម្រូវឲ្យលាងឈាម ក្នុងមួយសប្ដាហ៍ ២-៣ដង ហើយបានបន្សល់ទុកសំបុត្រសរសេរដៃមួយសន្លឹក។
