.png?1741682398)
ភ្នំពេញ៖ ស្ថានទូតចិនប្រចាំនៅកម្ពុជានាពេលថ្មីៗនេះ បានជួយផ្សព្វផ្សាយពីវិស័យទេសចរណ៍នៅកម្ពុជាតាមរយៈការបង្កើតជាវីដេអូវ្លុក(Vlog)បង្ហាញពីតំបន់ទេសចរណ៍ធំៗមួយចំនួននៅកម្ពុជា ក៏ដូចជាម្ហូបអាហារ និងអត្តសញ្ញាណមួយចំនួនទៀតរបស់កម្ពុជាផងដែរ ក្នុងគោលបំណងទាក់ទាញ់ភ្ញៀវទេសចរចិនមកលេងកម្ពុជា។
វីដេអូវ្លុកប្រហែលជិត១នាទី ស្ថានទូតចិនប្រចាំនៅកម្ពុជា បានព្យាយាមរំលេចនូវតំបន់ទេសចរណ៍របស់កម្ពុជាជាច្រើនដូចជា៖ ព្រះបរមរាជវាំង, ប្រាសាទអង្គរវត្ត, ផាប់ស្ទ្រីត (Pub Street), ឆ្នេរសមុទ្រខេត្តព្រះសីហនុ ព្រមទាំងបានបង្ហាញនូវម្ហូបអាហារបែបខ្មែរ, ផ្លែឈើ,របាំប្រពៃណី និងសម្លៀកបំពាក់ប្រពៃណីខ្មែរជាដើម។
វីដេអូនេះផ្សាយនៅក្នុង PAGE WECHAT ផ្លូវការរបស់ស្ថានទូតចិននៅកម្ពុជា និង ទទួលបានការចាប់អារម្មណ៍យ៉ាងច្រើនពីសំណាក់អ្នកលេងបណ្តាញ WECHAT ជាពិសេសជនជាតិចិន ហើយមានជនជាតិចិនជាច្រើនបានចែករំលែកវីដេអូនេះ ក្នុងបណ្តាញសង្គម ហើយមានជនជាតិចិនខ្លះបានបញ្ចេញមតិថា គេនឹងមកលេងកម្ពុជាក្នុងពេលឆាប់ៗនេះ។
គួរបញ្ជាក់ថា បច្ចុប្បន្នទំនាក់ទំនងរវាងកម្ពុជា-ចិនកំពុងឈរដល់កម្រិតកំពូលមិនធ្លាប់មាន ហើយទំនាក់ទំនងនេះ បានអនុញ្ញាតឱ្យប្រជាជននៃប្រទេសទាំងពីរងាយស្រួលវិនិយោគ និងទេសចរណ៍។ ក្នុងឆ្នាំ២០២៣នេះ កម្ពុជារំពឹងថានឹងទទួលបានទេសចរចិនពី៨០ម៉ឺន-១លាននាក់ កើនខ្ពស់ជាងឆ្នាំ២០២២កន្លងទៅ៕
