Yearendyearend1140x150

លោក ផែង​ វណ្ណៈ ឱ្យអ្នករិះគន់«ប្តឹងលោកទៅតុលាការ»បើយល់ថាសម្តីលោកខុស​ច្បាប់

សង្គម
/
អ្នកយកព័ត៌មាន:
ស៊ីស៊ីថាមស៍
/
លោក​ ផែង វណ្ណៈ ជាជនល្បីល្បាយតាមបណ្តាញសង្គម

ភ្នំពេញ៖ លោក​ ផែង វណ្ណៈ ជាជនល្បីល្បាយតាមបណ្តាញសង្គម នៅថ្ងៃទី ១៦ កុម្ភៈនេះ បានចេញជាលិខិត​ចំហរ​ជាសាធារណៈ ដើម្បីបកស្រាយចំពោះសាធារណៈជនមួយចំនួនរិះគន់លោកថា បានប្រើប្រាស់​ពាក្យ​ពេចន៍​មិនសមរម្យ ហើយ​បានជេរប្រមាថទៅលេី​អ្នកសារព័ត៌មាន​ស្រី​ម្នាក់​នៅ​ VOD ។ក្នុងលិខិតចំហរនោះ លោក ផែង​ វណ្ណៈ ឱ្យអ្នករិះគន់«ប្តឹងលោកទៅតុលាការ»បើយល់ថាសម្តីលោកខុស​ច្បាប់។

ក្នុងលិខតចំហរនោះ លោក​ ផែង វណ្ណៈ បានទទួល​ស្គាល់​ពាក្យ​ពេជន៍របស់លោកលើអ្នកសារព័ត៌មានស្ត្រីVOD ពិតជាមិនសូវ​សមរម្យ​មែន​។សម្រាប់លោក​ ផែង វណ្ណៈ តែ​ករណី​នេះ​ ជា​ករណី​ បុគ្គល​រវាងលោកជា​ពលរដ្ឋ​ម្នាក់​ ជាមួយអ្នក​ធ្វើ​ អត្ថាធិប្បាយ​ វិទ្យុ​ VOD តែ​ប៉ុណ្ណោះ​​ ហេីយ​ការ​សរសេរ​ អត្ថបទ​នោះ​គឺ​សរសេរ​ក្នុង​នាម​ពលរដ្ឋ​ម្នាក់​តាម​បណ្តាញ​សង្គម​ហ្វេសប៊ុក​ផ្ទាល់​ខ្លួន ដោយមិនបាន​ប្រេី​ វេបសាយ​ ឬ​ ទំព័រ​ហ្វេសប៊ុកផ្លូវការដែល​ចុះ​បញ្ជី​នៅ​ក្រសួង​ព័ត៌មាន​នោះទេ​។

បើតាមលោក​ ផែង វណ្ណៈ បេី​បុគ្គល​ដែល​រងការ​រិះគន់​ពីលោកយល់ថា​ពាក្យ​ពេចន៍​របស់​លោកខុស​ច្បាប់ ​អាចដាក់​ពាក្យ​ប្ដឹង​លោកតាមផ្លូវច្បាប់​ទៅ​តុលាការ​បាន​។ជាមួយគ្នានោះ  លោកបានសំណូមពរ​អោយ​អង្គការ​សង្គម​ស៊ីវិល​ទាំង​ ៤០​ គួរ​ចំណាយពេល​បង្កើត​វគ្គ​បណ្ដុះ​បណ្ដាល​បំប៉នជំនាញ​វិជ្ជាជីវៈ​សារព័ត៌មាន​ ដល់​អ្នក​សារព័ត៌មាន​ដែល​តែងតែ​បង្កើត​ព័ត៌មាន​ក្លែងក្លាយ​ ជ្រកក្រោម​ស្លាក​ សារព័ត៌មាន​ ឯករាជ្យ​ ​អោយពួកគាត់​ងាកមក​គោរព​ច្បាប់​ គោរព​វិជ្ជាជីវៈ​សារព័ត៌មាន​ និង​ កុំធ្វេី​ជា​ឧបករណ៍​បំរើ​នយោបាយ​បរទេស​ដេីម្បី​បំបែក​បំបាក់​ជាតិ​ខ្មែរ​ផងដែរ។

គួរបញ្ជាក់ថា អង្គការ​សង្គម​ស៉ីវិល​ចំនួន​ ៤០​ បាន​ផ្ញេីទៅ​កាន់​ប្រធាន​ស្ថាប័ន​ចំនួន​ ៤​ ក្នុង​នោះ​មាន​ ក្រសួង​វប្បធម៌​និង​វិចិត្រសិល្បៈ​ ក្រសួង​កិច្ច​ការ​នារី​ ក្រសួង​ព័ត៌មាន​ និង​ ក្រសួង​ប្រៃសនីយ៍​ និង​ ទូរគមនាគមន៍​ ដោយស្នេីសុំ​អោយ​ស្ថាប័ន​ទាំង​ ៤​ ចាត់​វិធានការ​ច្បាប់​មកលេី​ខ្ញុំ​បាទ​ ផែង​ វណ្ណៈ​ ក្រោយលោកបានប្រើ​សំដី​អសុរស​ប្រមាថ​ទៅលេី​អ្នកសារព័ត៌មាន​ស្រី​ម្នាក់​នៅ​ VOD ។ 

ក្រសួងកិច្ចការនារី បានចេញមុខមុខគេ ដោយបានសំដែងនូវការសោកស្តាយ និង មិនគាំទ្រចំពោះរាល់សកម្មភាព និងទង្វើ ទាំងឡាយណា ដែលមានចរិតហិង្សា អសីលធម៌ ធ្វើឱ្យប៉ះពាល់ដល់កិត្តិយស សេចក្តីថ្លៃថ្នូរ និងតម្លៃរបស់ស្ត្រីខ្មែរ ព្រោះវាជាគំរូមិនល្អ សម្រាប់យុវជន យុវតី កុមារា កុមារី ជំនាន់ក្រោយ ដែលជាទំពាំងស្នងឫស្សី និងសសរ ទ្រូងរបស់ប្រទេសជាតិ។ចំណែក រិះគន់មួយចំនួនចង់ឃើញអាជ្ញាធរមានសមត្ថកិច្ចមានវិធានការលើលោក ផែង វណ្ណៈដូចនឹងសកម្មជនកន្លងមកផងដែរ៕


ផ្ទាំងពាណិជ្ជកម្ម
Img 4048
Photo 2023 06 28 13.36.05
Photo 2022 10 27 10.25.23
Khcct banner

អត្ថបទទាក់ទង