ភ្នំពេញ៖ ក្រសួងសេដ្ឋកិច្ច និង ហិរញ្ញវត្ថុ នឹងរៀបចំវេទិកាសាធារណៈស្តីពីការផ្សព្វផ្សាយច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ ២០២៣ ជូនដល់ក្រសួង-ស្ថាប័ន ដៃតួអភិវឌ្ឍន៍ អង្គការមិនមែនរដ្ឋាភិបាលពាក់ព័ន្ធ អ្នកសិក្សាស្រាវជ្រាវ និស្សិត ព្រមទាំងបណ្ដាញសារព័ត៌មានជាតិ និងអន្តរជាតិមួយចំនួន នៅថ្ងៃទី ២៥ ខែ មករា ឆ្នាំ ២០២៣ នៅសណ្ឋាគារ សូហ្វីតែលភ្នំពេញភូគីត្រា។ នេះបើតាមសេចក្ដីប្រកាសរបស់ក្រសួងសេដ្ឋកិច្ច។
វេទិកាសាធារណៈនេះ នឹងដឹកនាំដោយលោក វង្សី វិស្សុត រដ្ឋមន្ត្រីប្រតិភូអមនាយករដ្ឋមន្ត្រី និង ជារដ្ឋលេខាធិការប្រចាំការ នៃក្រសួងសេដ្ឋកិច្ចនិងហិរញ្ញវត្ថុ និង មានការចូលរួមពីអ្នកជំនាញជាច្រើនរូបទៀត៕
