Eqm5 on ads news
Photo 2022 10 27 10.25.28
Img 0571
Photo 2023 06 28 13.36.05
Cct 01
Website cc time banner 01082023

នាវា«ទេសចរណ៍»អន្តរជាតិមួយនាំភ្ញៀវទេសចរជិត៥០០នាក់ចូលចតខេត្តព្រះសីហនុ

សេដ្ឋកិច្ច
/
អ្នកយកព័ត៌មាន:
ស៊ីស៊ីថាមស៍
/

ព្រះសីហនុ៖ នាវាទេសចរណ៍អន្តរជាតិមួយដែលមានឈ្មោះថា SEABOURN ENCORE នៅថ្ងៃទី២៩ ខែធ្នូនេះ បានដឹកនាំអ្នកដំណើរជាភ្ញៀវទេសចរប្រមាណជិត ៥០០នាក់ ចូលចតនៅកំពង់ផែស្វយ័ត ក្រុងព្រះសីហនុ ដើម្បីដំណើរកម្សាន្ត។ ការចូលចតនេះ គឺទទួលបានស្វាគមន៍យ៉ាងកក់ក្តៅពីអភិបាលខេត្តព្រះសីហនុ។

យោងតាមរបស់ការពីកំពង់ផែស្វយ័តក្រុងព្រះសីហនុ បានគូសបញ្ជាក់ថា នាវាទេសចរណ៍អន្តរជាតិនេះ បានដឹកភ្ញៀវទេសចរណ៍ចំរុះជាតិសាសន៌ចំនួន ៣៩៥នាក់ ស្រី ២០០នាក់មកទស្សនាប្រទេសកម្ពុជា រយៈពេល១ថ្ងៃ។នាវាឈ្មោះ SEABOURN ENCORE មានប្រវែងបណ្តោយ ២១០.៥០ម៉ែត្រ ប្រវែងទទឹង២៨ម៉ែ្រត ជម្រៅទឹក៦.៧ម៉ែត្រ មាននាវិកសរុបចំនួន ៤៣២ នាក់ ស្រី ៩៣នាក់។

បើតាមមន្ត្រីនាវា ភ្ញៀវទេសចរ បានចេញដំណើរមកពីប្រទេសថៃ ហើយចូលមកកម្ពុជា។ក្រោយមក ភ្ញៀវទេសចរទាំងនឹងចាកចេញទៅវិញឆ្ពោះទៅប្រទេសវៀតណាម។

គួរបញ្ជាក់ថា នេះជាលើកទី១ហើយឋដែលកំពង់ផែស្វយ័ត ក្រុងព្រះសីហនុ ទទួលបាននាវាដឹកភ្ញៀវទេសចរចូលមក ក្នុងខេត្តបន្ទាប់ពីការអាក់ខានអស់រយៈពេល២ឆ្នាំ ដោយសារវិបត្តិនៃជំងឺកូវីដ-១៩។ក្រសួងទេសចរណ៍ បានចាត់ទុកការចូលចតរបស់នាវានេះ គឺជាឱកាសរបស់ប្រទេសកម្ពុជា សម្រាប់ទាក់ទាញភ្ញៀវទេសចរបន្ថែមទៀត។

សូមរំលឹកថា ភ្ញៀវទេសចរអន្តរជាតិដែលបានមកទស្សនាប្រទេសកម្ពុជា ក្នុងរយៈពេល១០ខែ ចាប់ពីខែមករាដល់ខែតុលា ឆ្នាំ២០២២ គឺមានចំនួនសរុប ១,៥៧៥,៩៥៤នាក់ កើនឡើង៩៩១.១ភាគរយ បើធៀបនឹងរយៈពេល១០ខែដូចគ្នានៃឆ្នាំ២០២១ ហើយក្នុងនោះ កម្ពុជាទទួលបានភ្ញៀវទេសចរជនជាតិថៃច្រើនជាងគេគឺចំនួនជាង៥៩ម៉ឺននាក់ (៥៩០,៩៨៤នាក់)។ រីឯភ្ញៀវទេសចរជាតិមានចំនួន ៩,៤៧១,០៣៤នាក់ កើនឡើង២០៩.៨ភាគរយ និងភ្ញៀវបរទេសផ្ទៃក្នុងចំនួន១,៣៨៤,៤៩៨នាក់ កើនឡើង៦១៦.៧ភាគ៕


ផ្ទាំងពាណិជ្ជកម្ម
Img 4048
Photo 2023 06 28 13.36.05
Photo 2022 10 27 10.25.23
Khcct banner

អត្ថបទទាក់ទង