ក្រសួងដែនដីប្រមូលចំណូលចូលជាតិជាង ៣៦៧ពាន់លានរៀល ថយចុះជាង២២% បើធៀបឆ្នាំមុន

ភ្នំពេញ៖ នៅក្នុងឆ្នាំ២០២២នេះ ក្រសួងដែនដីប្រមូលចំណូលចូលថវិកាជាតិសរុបមានចំនួន ៣៦៧ ១៣៩ ៨៩៦ ០៥០រៀល (ថយចុះ ២២, ២៦% បើធៀបនឹងឆ្នាំ២០២១) គិតទាំងពន្ធប្រថាប់ត្រាលើការផ្ទេរអចលនទ្រព្យ។ នេះបើតាមរបាយការណ៍របស់ក្រសួងដែនដី។

ក្រសួងដែនដីបានបញ្ជាក់ថា ចំណូលចូលជាតិជាង ៣៦៧ពាន់លានរៀល ) គិតទាំងពន្ធប្រថាប់ត្រាលើការផ្ទេរអចលនទ្រព្យរួមមាន ១.ចំណូលរបស់រដ្ឋបាលកណ្ដាល ចំនួន ៨ ៣៦៨ ០៩១ ៦៤០រៀល ក្នុងនោះសេវាសំណង់ទូទៅ ចំនួន ៧ ១៨០ ៣១០ ៤០០រៀល, សេវាសំណង់លើសសន្ទស្សន៍ ចំនួន ១ ១៦៦ ០០០ ០០០រៀល, សេវាពត៌មានសុរិយោដីតាមប្រព័ន្ធអេឡិចត្រូនិកចំនួន ១០ ៤៩៩ ២០០រៀល និងចំណូលពីការជួលអចលនវត្ថុចំនួន ១១ ២៨២ ០៤០រៀល។

២-ចំណូលរបស់មន្ទីរដ. ន. ស. ស. រាជធានី ខេត្ត ចំនួន ៣៥៨ ៧៧១ ៨០៤ ៤១០រៀល ក្នុងនោះ សេវាសុរិយោដី ចំនួន៧១ ៣២៨ ៣៦០ ១១០រៀល ក្នុងនោះរួមមានលក្ខណៈជាប្រព័ន្ធ ចំនួន ២១ ៥០៨ ៩០៤ ៣១០រៀល, លក្ខណៈដាច់ដោយដុំ ចំនួន ៤៩ ៨១៩ ៤៥៥ ៨០០រៀល។ សេវាសំណង់ទូទៅ ចំនួន៤៦ ៤៤២ ៨៦៥ ១០០រៀល, ពន្ធប្រថាប់ត្រា ( អគ្គនាយកដ្ឋានពន្ធដារ) ចំនួន ២៤១ ០០០ ៥៧៩ ២០០រៀល។