អាម៉េរិក៖លោក រ៉ម រេីន អតីតតារាចម្រៀងទសវត្ស៨០ និង ជាម្ចាស់បទ ចម្ប៉ាប៉ោយប៉ែត បានទទួលមរណភាព ដោយជំងឺបេះដូង កាលពីថ្ងៃសៅរ៍ទី១៧ ខែធ្នូ ឆ្នាំ២០២២។នេះបើយោងតាមដំណឹងមរណភាពរបស់ក្រុមគ្រួសាររបស់លោកដែលចេញផ្សាយនៅថ្ងៃទី ១៧ ធ្នូកន្លងទៅ។
លោក រ៉ម រុឺន ម្ចាស់បទ ចម្ប៉ាប៉ោយប៉ែត បានទទួលមរណភាពវេលាម៉ោង ៤ រសៀល ដោយជំងឺបេះដូង កាលពីថ្ងៃសៅរ៍ទី១៧ ខែធ្នូ ឆ្នាំ២០២២ ត្រូវនិងថ្ងៃអាទិត្យ ទី១៨ ខែធ្នូ ឆ្នាំ២០២២ ម៉ោងនៅប្រទេសកម្ពុជានៅក្នុងមន្ទីរពេទ្យប៉ាសែហិល សហរដ្ឋអាម៉េរិក។
លោក រ៉ម រេីន ជាអតីតតារាចម្រៀងដ៏ល្បីល្បាញ ក្នុងទសវត្ស៨០ និង៩០។ លោកមានស្រុកកំណេីតនាទឹកដីខេត្តបាត់ដំបងធ្លាប់ជាដៃគូចម្រៀងដ៏ជិតស្និទ្ធជាមួយលោកស្រី ឡឹម វណ្ណារី , លោកស្រី ឆោម ឆវិន , លោកស្រី សុខ សុខុមជាដេីម។ លោកជាអ្នកសិល្បៈដ៏ឆ្នើមមួយរូប ពហុជំនាញ ច្រៀងសម័យ ច្រៀងបុរាណ ច្រៀងប្រពៃណី ច្រៀងចាប៉ី អាយ៉ៃ ចេះលេងឧបករណ៍ភ្លេងជាច្រើនទៀត។នេះបើយោងតាមការចុះផ្សាយរបស់ក្រុមព្រះសូរិយា។
