Eqm5 on ads news
Alibaba cloud (1)
Photo 2022 10 27 10.25.28
Photo 2022 10 27 15.04.39
Photo 2022 09 21 17.27.20
Photo 2022 08 27 11.03.25
Cc time 1800 x 300

គម្រោងពង្រីក«ផ្លូវជាតិ​លេខ៧ ស្គន់-កំពង់ចាម»ជា៤គន្លងចុះហត្ថលេខាផ្លូវការនៅថ្ងៃនេះ

សេដ្ឋកិច្ច
/
អ្នកយកព័ត៌មាន:
ស៊ីស៊ីថាមស៍
/
«ផ្លូវជាតិ​លេខ៧ ស្គន់-កំពង់ចាម»

ភ្នំពេញ៖ប្រទេសកម្ពុជា និងចិន នៅថ្ងៃទី ៩ វិច្ឆិកានេះ បានចុះហត្ថលេខាជាផ្លូវការលើឯកសារចំនួន១៨ ដែលជាកិច្ចព្រមព្រៀងរវាង កម្ពុជា-ចិន។ក្នុងកិច្ចព្រមព្រៀងនោះ ក៏មានកិច្ចព្រមព្រៀងឥណទានសម្បទានសម្រាប់គម្រោងពង្រីកកំណាត់ផ្លូវជាតិលេខ ៧ (ស្គន់-កំពង់ចាម) ផងដែរ។ពិធីចុះហត្ថលេខាបានធ្វើឡើង ក្រោមអធិបតីភាពសម្តេច ហ៊ុន សែន នាយករដ្ឋមន្ត្រីនៃកម្ពុជា និង​លោក លី ខឺឈាង នាយករដ្ឋមន្ត្រីចិន នៅវិមានសន្តិភាព។

កិច្ចព្រមព្រៀងឥណទានសម្បទានជាប្រាក់ដុល្លារអាម៉េរិក សម្រាប់គម្រោងពង្រីកកំណាត់ផ្លូវជាតិលេខ ៧ (ស្គន់-កំពង់ចាម) ត្រូវបានចុះហត្ថលេខាដោយលោកអូន ព័ន្ធមុនីរ័ត្ត រដ្ឋមន្ត្រីក្រសួងសេដ្ចកិច្ច និង ហិរញ្ញវត្ថុកម្ពុជា ជាមួយលោក Wang Wentian ឯកអគ្គរដ្ឋទូតចិនប្រចាំនៅកម្ពុជា។

បើតាមលោក ស៊ុន ចាន់ថុល រដ្ឋមន្ត្រីក្រសួងសាធារណៈការ និងដឹកជញ្ជូន បានអះអាងថា ក្រសួងបានសិក្សាលំអិតលើគម្រោងពង្រីកកំណាត់ផ្លូវជាតិលេខ ៧ (ស្គន់-កំពង់ចាម)នេះ។គម្រោងនេះ មានផ្លូវ៤ គន្លង ស្ថិតនៅលើណាត់ផ្លូវជាតិលេខ ៧ ចាប់ពីទីប្រជុំជនស្គន់ ស្រុកជើងព្រៃ រហូតដល់គល់ស្ពាន គីហ្សូណា ក្រុងកំពង់ចាម ដែលមានប្រវែងប្រមាណជាង ៤៥ គីឡូម៉ែត្រ។

«ផ្លូវជាតិ​លេខ៧ ស្គន់-កំពង់ចាម»

យោងតាម​លិខិត​របស់​រដ្ឋលេខាធិការ​ក្រសួង​សាធារណការ និង​ដឹកជញ្ជូន ផ្ញើទៅកាន់​អភិបាល​ខេត្ត​កំពង់ចាម កាលពី​ខែសីហា​ឆ្នាំ២០១៩ បាន​ឱ្យដឹងថា កំណាត់​ផ្លូវ​ពី​ស្គន់ ដល់​ក្រុង​កំពង់ចាម​ មាន​លក្ខណៈ​តូច​ចង្អៀត​មិន​អាច​ឆ្លើយតប​ជាមួយ​បរិមាណ​ចរាចរណ៍ ក្រសួង​សាធារណការ និង​ដឹកជញ្ជូន បាន​អនុញ្ញាត​ឱ្យសាជីវកម្ម​ផ្លូវ-ស្ពាន​ចិន សិក្សា​គម្រោង​ពង្រីក​ផ្លូវ​ជាតិលេខ៧ ​ទៅជាផ្លូវ៤គន្លង ចាប់ពី​ស្គន់ ដល់​ក្រុងកំពង់ចាម ដើម្បី​ត្រៀមដាក់ចូល​គម្រោង​អភិវឌ្ឍន៍​ហេដ្ឋារចនាសម្ព័ន្ធ ក្នុង​ក្របខណ្ឌ​ឥណទាន​ពី​ប្រទេសចិនផែនការ​ ៥ឆ្នាំខាងមុខ។

លិខិត​ដដែល​បន្តថា ក្នុង​គោលបំណង​ជំរុញ​គម្រោង​សាងសង់ផ្លូវនេះ ឱ្យបាន​ទាន់​តាម​សភាពការណ៍​ សាជីវកម្ម​ផ្លូវស្ពាន​ចិន ត្រូវ​ចុះ​ធ្វើការ​សិក្សា​គម្រោង​ខាងលើ​ ដោយ​ត្រូវ​អនុវត្ត​ចាប់ពីខែកញ្ញា ឆ្នាំ​២០១៩​នេះតទៅ៕


ផ្ទាំងពាណិជ្ជកម្ម
Img 9694
Photo 2022 10 27 10.25.23
Photo 2022 10 27 15.04.39
Khcct banner

អត្ថបទទាក់ទង