ទីក្រុងឡុងដ៍៖ លោក Rishi Sunak នឹងក្លាយជានាយករដ្ឋមន្ត្រីបន្ទាប់របស់ចក្រភពអង់គ្លេស បន្ទាប់ពីគាត់បានឈ្នះការប្រជែងដើម្បីដឹកនាំគណបក្សអភិរក្ស ដោយលោកនឹងមកបំពេញភារកិច្ចដឹកនាំប្រទេសដែលបែកបាក់គ្នាយ៉ាងខ្លាំងតាមរយៈវិបត្តិសេដ្ឋកិច្ចដែលនឹងធ្វើឱ្យប្រជាជនរាប់លាននាក់កាន់តែប្រឈមបញ្ហាផ្សេងៗនៅក្នុងប្រទេសអង់គ្លេស។
លោក Sunak ដែលជាអ្នកនយោបាយមានបំផុតម្នាក់នៅតំបន់ Westminster នឹងក្លាយជានាយករដ្ឋមន្ត្រីទីបីរបស់ចក្រភពអង់គ្លេសក្នុងរយៈពេលតិចជាងពីរខែ។ បុរសវ័យ ៤២ ឆ្នាំរូបនេះក៏ជាមេដឹកនាំ ក្មេងជាងគេបំផុតក្នុងរយៈពេល២០០ ឆ្នាំក្នុងប្រវត្តិសាស្រ្តនៃប្រទេសអង់គ្លេស។
លោក Sunak នឹងត្រូវបានស្នើសុំឱ្យបង្កើតរដ្ឋាភិបាលដោយស្តេច Charles ជំនួស Liz Truss ដែលជាមេដឹកនាំដែលចាកចេញពីតំណែងក្រោយឡើងកាន់បានត្រឹមតែ ៤៤ ថ្ងៃនៅក្នុងការងារមុនពេលលោកស្រីលាលែងពីតំណែង។ ថ្លែងទៅកាន់សាធារណៈជនជាលើកដំបូង លោក Sunak បាននិយាយថា៖ «ចក្រភពអង់គ្លេសគឺជាប្រទេសដ៏អស្ចារ្យមួយ ប៉ុន្តែគ្មានអ្វីគួរឱ្យសង្ស័យទេថាយើងប្រឈមមុខនឹងបញ្ហាសេដ្ឋកិច្ចយ៉ាងជ្រាលជ្រៅនាពេលបច្ចុប្បន្ននេះ។ លោកបានមានប្រសាសន៍ថា “ឥឡូវនេះយើងត្រូវការស្ថិរភាព និងឯកភាព ហើយខ្ញុំនឹងធ្វើឱ្យវាជាអាទិភាពបំផុតរបស់ខ្ញុំក្នុងការនាំយកគណបក្ស និងប្រទេសរបស់យើងរួមគ្នា” កសាងសេដ្ឋកិច្ចក្នុងស្រុកម្តងទៀត៕
