អាម៉េរិក៖ ប្រធានាធិបតីសហរដ្ឋអាម៉េរិកលោក ចូ បៃដិន នឹងទទួលបានវ៉ាក់សាំង កូវីដ១៩ ដែលត្រូវបានធ្វើបច្ចុប្បន្នភាពសម្រាប់លោក ហើយលោកក៏បានជំរុញឱ្យជនជាតិអាម៉េរិក ទាំងអស់នាំគ្នាទៅចាក់វ៉ាក់សាំងចុងក្រោយបង្អស់ផងដែរ។
បើតាមមន្រ្តីអាម៉េរិកបានឲ្យដឹងថា មានតែមនុស្ស ២០ លាននាក់នៅសហរដ្ឋអាមេរិកប៉ុណ្ណោះដែលបានទទួលវ៉ាក់សាំង កូវីដ១៩ ដែលបានធ្វើបច្ចុប្បន្នភាពរហូតដល់សប្តាហ៍មុន។ អ្នកនាំពាក្យសេតវិមាន លោកស្រីKarine Jean-Pierre បានអះអាងថា "យើងត្រូវការអ្នកគ្រប់គ្នាដើម្បីឈានទៅមុខ និងទទួលបានវ៉ាក់សាំងថ្មីជាបន្ទាន់ដើម្បីការពារពីការរីករាលដាលនៃជំងឺកូវីដ១៩" ។
ដោយឡែកមជ្ឈមណ្ឌលគ្រប់គ្រង និងការពារជំងឺបាននិយាយកាលពីសប្តាហ៍មុនថា ជនជាតិអាមេរិកចំនួន ៤.៥ លាននាក់បានទទួលវ៉ាក់សាំងដែលបានធ្វើបច្ចុប្បន្នភាពកាលពីសប្តាហ៍មុន ដែលជាការកើនឡើងប្រចាំសប្តាហ៍ដ៏ធំបំផុតចាប់តាំងពីការចាក់វ៉ាក់សាំងរដូវស្លឹកឈើជ្រុះបានចាប់ផ្តើម និងកើនឡើងប្រហែល 40 ភាគរយពីសប្តាហ៍មុន។
គួរបញ្ជាក់ថាលោក បៃដិន កាលពីខែកក្កដាបានធ្វើតេស្តវិជ្ជមានកូវីដ១៩ ជាមួយនឹងរោគសញ្ញាស្រាល និងបានធ្វើតេស្តវិជ្ជមាននៅក្នុងករណីនៃការងើបឡើងវិញដែលឃើញនៅក្នុងភាគរយតូចមួយនៃមនុស្សដែលប្រើថ្នាំប្រឆាំងមេរោគ Paxlovid ។ នៅក្នុងខែសីហា គាត់បានធ្វើតេស្តអវិជ្ជមានពីរដង និងបានបញ្ចប់ការនៅដាច់ដោយឡែកជាងពីរសប្តាហ៍របស់គាត់នៅឯសេតវិមាន៕
