បេឡារុស្សព្រមាននៃការ«ផ្ទុះសង្រ្គាមនុយក្លេអ៊ែរ»នាពេលខាងមុខនេះ

បេឡារុស្ស៖ ប្រធានាធិបតីបេឡារុស្ស គឺលោក Alexander Lukashenko បានប្រាប់អ្នកសារព័ត៌មានកាលពីថ្ងៃសុក្រថាសង្រ្គាមនុយក្លេអ៊ែរនឹងផ្ទុះជាក់ជាមិនខាននាពេលខាងមុខនេះ។ មេដឹកនាំរូបនេះបានបញ្ជាក់ថាខ្លួន មិនមានសង្រ្គាមពាក់ព័ន្ធនឹងប្រទេសបេឡារុសទេ លុះត្រាតែប្រទេសផ្សេងទៀតចង់ប្រយុទ្ធប្រឆាំងនឹងរំលោភបំពានលើប្រទេសរបស់យើង។ ការលើកឡើងនេះបានកើតឡើងចំពេលដែលមានការចោទប្រកាន់ថាទាហានបេឡារុស្សអាចចូលរួមជាមួយរុស្ស៊ីក្នុងយុទ្ធនាការយោធារបស់ខ្លួនក្នុងប្រទេសអ៊ុយក្រែន។

សារព័ត៌មានរដ្ឋ Belta បានដកស្រង់សម្តីលោក Lukashenko ដែលកំពុងបំពេញទស្សនកិច្ចទៅកាន់កន្លែងហ្វឹកហ្វឺនយោធានៅតំបន់ Brest ភាគខាងលិចនៃប្រទេសបេឡារុសថា "កុំយកចិត្តទុកដាក់ចំពោះបញ្ហាសង្រ្គាម" ។លោកបន្តថាប្រទេសលោកនឹងមិនដើរចូលផ្លូវសង្រ្គាមទេនៅពេលនេះ។

ប្រមុខរដ្ឋបេឡារុស្សក៏បាននិយាយទម្លាក់នូវលទ្ធភាពនៃសង្គ្រាមលោកលើកទី ៣ដែលផ្ទុះឡើងនាពេលអនាគតដ៏ខ្លីនេះផងដែរ ដោយហេតុថាជម្លោះបែបនេះទំនងជាមានន័យថា "ការវិនាសអន្តរាយដល់មនុស្សទាំងអស់នឹងអាចកើតមាននាពេលខាងមុខនេះ" ។ ទោះជាយ៉ាងណាក៏ដោយ លោកក៏បានព្រមានថាពិភពលោកបានមកកាន់តែកៀកជាងមុននៃសង្រ្គាមអាវុធនុយក្លេអ៊ែរ។

កាលពីថ្ងៃសុក្រសប្តាហ៍មុន Lukashenko បានប្រកាសពីការដាក់ពង្រាយកងកម្លាំងរួមរុស្ស៊ី-បេឡារុស្សនៅក្នុងប្រទេស។ លោកបានលើកឡើងពី«ភាពតានតឹងកាន់តែខ្លាំងឡើង»នៅតាមព្រំដែនប្រទេសជាហេតុផលនៃការផ្លាស់ប្តូរនេះ ដោយបន្ថែមថាកងទ័ពរបស់លោកនឹងរួមបញ្ចូលទាំងស្នូលនៃក្រុមជាមួយកងកម្លាំងរុស្សី។

ចំណែក លោក Valery Revenko ជំនួយការរបស់រដ្ឋមន្ត្រីការពារជាតិបេឡារុស្ស បានបង្ហាញនៅលើ Twitter ថា កងយោធារុស្ស៊ីជាច្រើនពាន់នាក់ រួមជាមួយនឹងរថក្រោះ ១៧០ រថពាសដែករហូតដល់ ២០០ គ្រឿង និងកាំភ្លើងធំរហូតដល់ ១០០ ដើមនឹងត្រូវដាក់ពង្រាយនៅក្នុងប្រទេសរបស់លោក៕