ក្រសួងវប្បធម៌ផ្អាកការចូលគោរពបូជានៅទីសក្ការៈព្រះអង្គចេក-ព្រះអង្គចម

ភ្នំពេញ៖ ក្រសួងវប្បធម៌ និងវិចិត្រសិល្ប: នៅថ្ងៃទី១៧ តុលា នេះបានជូនដំណឹងស្តីពីការផ្អាកការចូលគោរពបូជានៅទីសក្ការៈព្រះអង្គចេក និងព្រះអង្គចម នៅខេត្តសៀមរាប ដើម្បីជួសជុលបល្ល័ង្កបដិមាព្រះអង្គចេក និងព្រះអង្គចម ចាប់ពីថ្ងៃទី១៨ តុលា នេះតទៅ ។

ទីសក្ការៈបូជាចំពោះព្រះអង្គចេក និងព្រះអង្គចមនៅ ខេត្តសៀមរាប នឹងត្រូវបិទទ្វារមិនដំណើរការមួយរយៈពេល ចាប់ពីថ្ងៃទី១៨ តុលា នេះតទៅ ដើម្បីឲ្យក្រុមការងារជំនាញរបស់ក្រសួងវប្បធម៌ និងវិចិត្រសិល្បៈ ធ្វើការជួសជុលបល្ល័ង្កបដិមា ព្រះអង្គចេក និងព្រះអង្គចម។ ក្រសួងវប្បធម៌ និងវិចិត្រសិល្បៈ នឹងជូនដំណឹងនៃការបើកឲ្យដំណើរការឡើងវិញនាពេលការ ជួសជុលត្រូវបានបញ្ចប់៕