គ្រោះរញ្ជួយដីតៃវ៉ាន់បានបណ្តាលឲ្យមនុស្សជាង១៤៦នាក់រងរបួស

តៃប៉ិ៖ គ្រោះរញ្ជួយដីកម្រិត ៦.៨ រ៉ិចទ័រ បានវាយប្រហារតំបន់ភាគអាគ្នេយ៍នៃកោះតៃវ៉ាន់កាលពីថ្ងៃអាទិត្យ ដោយបានបណ្តាលឲ្យក្រឡាប់ទូរថភ្លើង ព្រមទាំងបណ្តាលឲ្យហាងទំនិញមួយចំនួនដួលរលំ និងគាំងជាច្រើននៅលើផ្លូវភ្នំ។

បើតាមការិយាល័យអាកាសធាតុតៃវ៉ាន់បានឲ្យដឹងថា ចំណុចកណ្តាលនៃគ្រោះរញ្ជួយដីគឺនៅក្នុងស្រុក Taitung ហើយបានបន្តការរញ្ជួយដីកម្រិត ៦.៤ រ៉ិចទ័រ កាលពីល្ងាចថ្ងៃសៅរ៍ នៅក្នុងតំបន់ខណៈដែលអ្នករងរបួសមិនទាន់មានរបាយការណ៍នៅឡើយ។ ការស្ទាបស្ទង់ភូមិសាស្ត្រអាម៉េរិកបានវាស់ស្ទង់ការរញ្ជួយដីក្នុងកម្រិត ៧.២ រ៉ិចទ័រ និងក្នុងជម្រៅ ១០ គីឡូម៉ែត្រ។ នាយកដ្ឋានពន្លត់អគ្គីភ័យរបស់តៃវ៉ាន់បាននិយាយថា មនុស្សម្នាក់បានស្លាប់ និង ១៤៦ នាក់បានរងរបួសដោយសារការរញ្ជួយដីនេះ។

ដោយឡែករដ្ឋបាលផ្លូវដែកតៃវ៉ាន់បាននិយាយថា ទូរថភ្លើងចំនួនប្រាំមួយបានចេញពីផ្លូវរថភ្លើងនៅស្ថានីយ៍ Dongli ភាគខាងកើតកោះតៃវ៉ាន់ បន្ទាប់ពីតំបន់មួយចំនួនបានដួលរលំ ប៉ុន្តែនាយកដ្ឋានពន្លត់អគ្គីភ័យបាននិយាយថា មិនមានអ្នករងរបួសនោះទេ។ នាយកដ្ឋានបន្តថាមនុស្សជាង ៦០០ នាក់កំពុងជាប់នៅលើតំបន់ភ្នំ Chike និង Liushishi ទោះបីជាមិនមានអ្នករងរបួសក៏ដោយ ហើយអ្នកជួយសង្គ្រោះកំពុងធ្វើការដើម្បីបើកផ្លូវឡើងវិញ។

មជ្ឈមណ្ឌលព្រមានរលកយក្សស៊ូណាមិប៉ាស៊ីហ្វិករបស់សហរដ្ឋអាម៉េរិកបានចេញការព្រមានសម្រាប់តៃវ៉ាន់បន្ទាប់ពីការរញ្ជួយ ប៉ុន្តែក្រោយមកបានដកការជូនដំណឹងវិញ។ ទីភ្នាក់ងារអាកាសធាតុរបស់ប្រទេសជប៉ុនបានដកការព្រមានអំពីរលកយក្សស៊ូណាមិសម្រាប់ផ្នែកមួយនៃខេត្តអូគីណាវ៉ា។ ការិយាល័យអាកាសធាតុបាននិយាយថា ការរញ្ជួយដីអាចត្រូវបានគេដឹងពាសពេញកោះតៃវ៉ាន់។ អគារនានាបានកក្រើកបន្តិចក្នុងរដ្ឋធានីតៃប៉ិ ហើយការរញ្ជួយដីបានបន្តវាយលុកលើកោះ។

ក្រុមហ៊ុន Taiwan Semiconductor Manufacturing Co (TSMC) ដែលជាក្រុមហ៊ុនផលិតបន្ទះឈីបកិច្ចសន្យាធំជាងគេរបស់ពិភពលោកបាននិយាយថា "មិនមានផលប៉ះពាល់គួរឱ្យកត់សម្គាល់ទេសម្រាប់ពេលនេះ" ។

គួរបញ្ជាក់ថាតៃវ៉ាន់ស្ថិតនៅជិតចំណុចប្រសព្វនៃបន្ទះប្លាកែតពីរ ហើយងាយនឹងមានការរញ្ជួយដីជាញឹកញាប់។មនុស្សជាង ១០០ នាក់បានស្លាប់នៅក្នុងការរញ្ជួយដីនៅភាគខាងត្បូងតៃវ៉ាន់ក្នុងឆ្នាំ ២០១៦ ខណៈដែលការរញ្ជួយដីកម្រិត ៧.៣ រ៉ិចទ័របានសម្លាប់មនុស្សជាង ២,០០០ នាក់ក្នុងឆ្នាំ ១៩៩៩៕