ប្រជាកសិករចិនរំពឹងទទួល«ប្រាក់ចំណូលខ្ពស់»ពីការប្រមូលផលម្ទេស

ចិន៖ ប្រជាកសិករនៃប្រទេសចិន នៅតំបន់ស្វយ័ត Xinjiang Uygur បាននឹងកំពុងមមាញឹកខ្លាំងក្នុងការប្រមូលផលដំណាំ ម្ទេស និងបាននាំគ្នារំពឹងថាអាចនឹងទទួលបាននូវប្រាក់ចំណូលខ្ពស់ពីរដូវកាសមុន ខណៈទិន្នផលសរុបរំពឹងបានចំនួនជាង ២០,០០០ តោន។ការប្រមូលផលម្ទេសដែលដាំនៅលើផ្ទៃដីជាង ៣៣៣ ហិកតា ដោយទិន្នផលម្រេចនៅឆ្នាំនេះ អាចឡើងដល់ប្រហែល ៤ តោន ហើយក្នុង១គីឡូម្ទេសបានតម្លៃ 4 យន់ ឬ ប្រហែល 0.៦ ដុល្លារអាម៉េរិក។

លោក Ma Jinlong កសិករដាំម្ទេសនៅតំបន់ Gongliu County បានថ្លែងប្រាប់សារព័ត៌មានរដ្ឋចិន CCTVថា នៅក្នុងទីប្រជុំជន Anjihai នៃទីក្រុង Shawan ខេត្ត Tacheng កសិករក្នុងស្រុកបានដាំម្ទេសសរុបចំនួន ២,៤០០ហិកតានៅឆ្នាំនេះ។កសិករអាចប្រមូលផលម្ទេសបានប្រហែល១តោនកន្លះ នៅលើផ្ទៃដីនីមួយៗហើយទិន្នផល និងតម្លៃគឺល្អប្រសើសម្រាប់កសិករចិន ។

បើតាមលោក Ma Jinlong រយៈពេលប្រមូលផលម្ទេសនៅឆ្នាំនេះនឹងមានរហូតដល់ចុងខែកញ្ញា។ក្រៅពីនេះក៏បានកំពុងប្រញាប់ប្រញាល់រើសផ្លែល្វាស្រស់ៗ ហើយខ្ចប់វាជាមួយគ្នានោះផងដែរ។ រយៈពេលទុំនៃផ្លែល្វាដែលដាំនៅស៊ីនជាំង គឺចាប់ពីខែកក្កដាដល់ខែតុលាដោយមានផ្លែពីរគឺរដូវក្តៅ និងរដូវស្លឹកឈើជ្រុះរៀងគ្នា។

គួរបញ្ជាក់ថា នៅរយៈពេលប៉ុន្មានឆ្នាំកន្លងមកនេះ អាជ្ញាធរមូលដ្ឋាននៃប្រទេសចិន បានអភិវឌ្ឍយ៉ាងសកម្មនូវបច្ចេកវិចរក្សា ម្ទេសនិង ផ្លែល្វា នៅក្នុងកន្លែងត្រជាក់ ដើម្បីជួយកសិករពន្យាររក្សាទុកបានល្អ និង មានគុណភាពខ្ពស់ និង អាចដឹកជញ្ជូនទៅលក់នៅកន្លែងផ្សេងៗទូទាំងប្រទេស៕